ROMAANOM 3:12 - Yaqui

¹² Si'ime, Liojta betana emo na'ikimtelataka jiapsa. Si'ime, Liojta bichapo, kaita tu'ik bo'o jooria. Kaabe, jume' yeteu tu'uwata bo'o jooriame. Kia wepu'ulaika juni'i, kaabe.

ROMAANOM 3:12 ပူးပေါင်းရင်းမြစ်များ

MATEEO 25:30

Intok inika'a, tekoka junuen jita betchi'bo juni'i ka tu'ik, pa'akun, ka machikun eme'e yeu a' jimmaane. Junama ini'i bwanaka intok ko'okoleka, kusisi au tam kumne”, ti jiiak.

ROMAANOM 3:11

Kaabe aane jume' jitat a ju'uneame. Kaabe aane jume' Liojtat jiapseka, aet emo temaeme.

ROMAANOM 3:13

Inime'e teuwaa'u, tiuraa, jaiti machi ausu'li. Bem teuwaa'ue, yee bai tatta'aa. Ka tu'ik watemmet au i'akai aa noki'ichiata amet nonoka.

EPEESIOM 2:3

Si'ime tee itepo juni'i ket, bat naataka taewaimmet, jiba tee inien tee jiapsak. Itepo ka tu'ik betana itom ea'po aman jiapsakai. Intok juka' ka tu'ik itot ayuka itom joopea'uta intok inia betana junuen itom eaka itom eiyaa'uta, a' joaka jiapsan. Inia betchi'bo itepo ketchia, jiba jume' watem benasia, Liojta betana juka' aapo'ik tua jiokot yee a' bittuanee'uta, itou cha'akan.

PILEMON 1:11

Bat naataka ini'i Oneesimo, enchi tekokai, kaita'po enchi anian. Taa i'ani, si'imeku a itom aniane.

1 PEEO 2:25

Bwe'ituk eme'e, bat naataka, bwalam chiktulatuka'a benasi jiapsan. Taa i'ani eme'e, Jesukrijtotau emo su'u tojiri, ju'u kapyeota benasi, enchim suuaka intok enchim jinne'ukamtawi.