MATEEO 9:4 - Yaqui

⁴ Taa ju'u Jesus, inime'e, ju'u bem emo eetua'uta amet ju'uneakai: ―Jaisaaka eme'e junuen tua ka tu'isi ea ―ti ameu jiiak―.

MATEEO 9:4 ပူးပေါင်းရင်းမြစ်များ

MATEEO 12:25

Inimmet ju'u Jesus ju'unean bem jachin emo eetua'po intok: ―Jita yoemrapo juni'i, junammeu ju'u che'a yo'oraa na'ikimteko intok inime'e nau nassuakai, inime'e emo lu'utane. Intok kia senu bwe'u jo'arapo oo jo'apo jume' nau wewerim, inime'e nattepola, ka nau ea'ateko, inime'e ka a binwa nau jiapsine.

MAEKOS 12:15

Junak intok ju'u Jesus, aapo'ik, bem a' bai ta'aabae'po aman amet ju'uneaka, inen ameu jiiak: ―Jaisa betchi'bo eme'e nee aet ji'obilaabae ―ti am temaek―. Juka' tomita neu toja ―tiia―, na'a bitbae ―ti ameu jiiak.

MAEKOS 2:8

Jesus intok sep inien bem ea'uta bem jiapsipo amet a' ju'uneyyaka inen ameu jiu taitek: ―Jaisa betchi'bo eme'e, enchim jiapsipo inien emo eetua

LUUKAS 11:17

Taa ju'u Jesus, inime'e jachin bem emo eetua'po ju'uneakai inen ameu jiiak: ―Jitaa bwiaraapo juni'i, ju'u ama yoemratau yo'oora au na'ikimteka, emo beje'eka nau nassuakai, inime'e emo lu'utane. Intok kia jume' nau wewerika, senu jo'araapo jo'aakame, inime'e ka nau eakai, ka a nau jiapsine.

LUUKAS 5:22

Taa Jesus, inime'e ju'u bem emo eetua'ut witti ju'uneaka intok: ―Jaisaaka eme'e junuen emo eetua ―ti ameu jiiak―.

LUUKAS 6:8

Taa Jesus ju'unean, aapo'ik betana jachin bem emo eetua'po. Intok ju'u ka au mam yekamtau: ―Kikte'e, imin nasukun keka ―ti au jiiak. Ini'i kikteka, aman siika.

LUUKAS 7:40

Junak ju'u Jesus, ju'u paiseotau: ―Simoo, senu weemta ne eu teuwaabae ―ti au jiiak. Ju'u paiseo intok: ―Neu a' teuwaa yee majtame ―ti a' yoopnak.

JOAN 16:19

Jesus inimmet, bem au nattemaebae'po amet mammateka: ―Ineponee emou inim: “Ka bu'uuka be'ee, enchim ka intok nee bitnee'u intok chukula sep jeela juchi enchim nee bitnee'u”, ti jiiak. Jaisa eme'e inia betana junuen nau nattemae ja'ani ―ti ameu jiiak―.

JOAN 16:30

I'ani itepo ju'unea, si'imekut tu'isi em ju'unea'u, intok ka utte'a inia betana eu nattemainaa'u. Inia betchi'bo, Liojta betana a'abo em yepsaka'po itepo a' suale ―ti au jiiak.

JOAN 21:17

Iniamak bajisia aapo: ―Simoo, Jonaj teamta u'usi, jaisa empo lutu'uriapo tu'isi nee eiyaa ja'ani ―ti au nattemaek. Ju'u Peeo intok junak au sioktua taitek junuen, iniamak bajisia: “Jaisa empo tu'isi nee eiyaa”, ti au a' nattemaeka' betchi'bo, intok aapo: ―In yo'owe, empo'e si'imekut ju'unea, empo ju'unea junuen in enchi eiyaa'u ―ti au jiiak. Ju'u Jesus iniau: ―Junaentuko, empo wame'e nee sualeka, bwalam benasi in eiyaa'um, nee betana weyemtat am majtaka, nee am suuariane ―ti au jiiak―.

JOAN 6:61

Junako ju'u Jesus, junae weyemtat bem ka a' tu'ureka intok emo nasuk bem aet naas noka'apo ju'uneakai: ―Jaisa ini'i inen ka enchim alleetuak ja'ani ―ti ameu nattemaek―.

JOAN 6:64

Taa emo nasuk ketuni wate aane, jume' ka nee sualeme ―ti jiiak. Bwe'ituk ju'u Jesus sep naatelaa'po naateka jabem junuen ka a' suale'um ju'unean. Intok juka' chukula yeu a' bwiseka a' nenkinemta a' jabetuka'ut ju'unean.

KRIJTOTA YEU PU'ARIM YA'ARI 5:9

Junako ju'u Peeo: ―Jaisaaka eme'e junuen nau eaka, juka' Liojta tu'u jiapsita ji'obilabaaek ―ti a' temaek―. Wana'a a'abo kaate jume'e, em ku nasuka'uta a' ma'akame. I'an intok inime'e enchi ket nuk saka'ane ―ti au jiiak.

APOKALIPSIS 2:23

Intok jume'e, junae jamutta yeu pu'arim ne am su'ane. Intok junuen si'ime jume' Krijtota sualeme a' ju'uneiyaane, eerita yuma'isia in a' ju'uneiyaa'po, intok juka' jiapsita juni'i. Enchim intoko we'epulaim ne, emou a' lutu'uriatuka'po aman, a' na'ikiane.