MATEEO 9:22 - Yaqui

²² Taa ju'u Jesus kuakteka intok juka' jamutta bichaka: ―Kat jain ea in yoemia, emo'e ine'etela. Junuen em nee sualeka' betchi'bo ―ti au jiiak. Junama lautipo aapo sep au ine'etek.

MATEEO 9:22 ပူးပေါင်းရင်းမြစ်များ

MATEEO 15:28

Junak intok ju'u Jesus, iniau: ―Jeewi, tua empo Liojta a suale, em ea'po aman eu chupne ―ti au jiiak. Intok jiba junama naateka ju'u a' jamut asoawa, yuma'isi au ine'etek.

MATEEO 17:18

Junak ju'u Jesus, ju'u bebeje'eri ka tu'i jiapsitau kuttipo au nokaka intok inika'a, ju'u usi o'outat yeu a' simtuak. Junuen ini'i junama'a sep tu'urekai.

MATEEO 8:13

Junak intok ju'u Jesus, ju'u sontao ya'uttau: ―Em jo'au nottinee intok junuen, tua em a' sualeka'a benasia ya'atune ―ti au jiiak. Ju'u intoko ju'ubwa yo'otume junama'a sep su au ine'etek.

MATEEO 9:2

Junama'a seenu, ka au taka yekaka au tojiwak. Ili jipetekpo bo'o simekai. Ju'u Jesus intok, juname'e junuen tua a' sualeme ju'uneiyaakai, ju'u ko'okoemtau: ―Kat jain ea in yoemia. Em ka tu'uwa ya'arimmete'e jiokoiri ―ti au jiiak.

MATEEO 9:29

Junak intok ju'u Jesus, pujpo amet mamtek intok: ―Enchim junuen a' suale'po aman tune ―ti jiiak.

MAEKOS 10:52

Jesus intok inen au jiiak: ―Em jiapsipo em a' suale' betchi'bo, ka jain eaka weene. Juche'e bitne'e ―ti au jiakai. Junak intok sep bittaitek. Intok Jesujtat cha'aka katemmak, amemak siika.

MAEKOS 5:34

Junak intok ju'u Jesus inen au jiiak: ―In jamut yoemia ―tiia―, em a' suale' betchi'bo, emo ine'etela'e. Kaachin eaka weene. Intok inia em ko'okoata betana emo ine'etelatakai ―ti au jiiak.

LUUKAS 17:19

Junak intok junae yoemtau: ―Kikteka intok baa weene. Junuen Liojta em a' sualeka' betchi'bo empo tu'ireak ―ti au jiiak.

LUUKAS 18:42

Ju'u Jesus intok: ―Juchi bitne ―ti au jiiak―. Empo junuen em nee sualeka' betchi'bo, tu'ireaka'e ―ti au jiiak.

LUUKAS 7:50

Taa Jesus ju'u jamuttau: ―Ka tu'ik betana empo jinne'uri junuen em nee suale' betchi'bo. Kaachin eaka weene ―ti au jiiak.

LUUKAS 8:48

Iniau ju'u Jesus: ―In yoemia, junuen em nee sualeka' betchi'bo empo tu'ureak. Alleaka intok ka jain eaka weene ―ti au jiiak.

JOAN 4:53

Ju'u yo'owe junak ju'uneak, jiba junama orapo juka' Jesujta: “Ju'u em yoemia tu'isuk”, ti au a' jiaka'po a' tu'ireaka'po. Junak aapo intok si'ime jume' aamak jo'aakame juka' Jesujta sualek.

KRIJTOTA YEU PU'ARIM YA'ARI 14:9

Ini'i o'ou, juka' Paplota noka'uta a' jikkajan. Junak intok ju'u Paplo tu'isi aet mammatek, intok ju'uneak, aapo'ik, a' tu'ine' betchi'bo, yuma'isi Liojtat a' ea'po.

KRIJTOTA YEU PU'ARIM YA'ARI 16:18

Ini'i usi jamut, jiba ili jaiki ta'apo junuen jiba aanen. Junen su chukula ju'u Paplo, ae suati eaka intok au notteka, intok ju'u ka tu'i jiapsi iniat anemtau: ―Yo'owe Jesukrijtota betana lutu'uriakai, iniat aapo'ikut em yeu weene' betchi'bo ne enchi aet sawe ―ti au jiiak. Intok junuen ju'u ka tu'i jiapsi, junama sep yeu siika.

EBREEOM 4:2

Bwe'ituk itepo juni'i, ket Liojta nok lutu'uriata itepo a' majti, jiba bempo'im benasia. Taa juname'e, junaka'a lutu'uriata jikkajaka juni'i, kaita tu'ik aet jajamek, ka a' sualeka bem jikkajaka' betchi'bo.