MATEEO 6:6 - Yaqui

⁶ Taa empo, Liojtau bicha yee nokria'ateko, em karipo wajiwa, pueetata eta'ika intok empola, em achai Lios junuen emak jiba anemtau bicha yee nokriane. Junako ju'u Lios, juka' kaabeta ju'uneiyaaka em joa'uta a' bichame, chukula aapo juka' tu'ik enchi bittuane.

MATEEO 6:6 ပူးပေါင်းရင်းမြစ်များ

MATEEO 14:23

Inime'e am saka'atuasukai, aapo ju'u Jesus, ili kawiu jikau siika, junama'a aapola, Liojtau bicha nokbaekai. Tukaariau yumakai ju'u Jesus aapola junama'a aanen.

MATEEO 6:18

Junuen ka ji'ibwaka Liojta em yo'oree'uta, kaabeta enchi ju'uneiyaane' betchi'bo. Ju'u em achai Lios jiba, junama'a aapola jiba emak aneme ju'uneene. Intok aapo, chukula juka' eu tu'ik enchi bittuane.

MATEEO 6:4

Ala juka' em yaaka'uta kaabe a' ju'uneiyaane. Ju'u intoko em yo'owa Lios, juka' kaabeta ju'uneiyaaka em joa'uta a' bichame, aapo, juka' chukula eu tu'ik enchi bittuane.

JOAN 1:48

Junak intok ju'u Natana'el teame: ―Jaisa empo nee ta'aa ―ti au nattemaek. Jesus intok: ―Juka' Jeriipe' teamta kee enchi tejwaao, empo aman chuna'ouwota betuk enchi kateko, nee enchi bichak ―ti au jiiak.

JOAN 20:17

Jesus iniau: ―Inim nee sim tua. Bwe'ituk ketun nee kee aman in yo'owata a' jiapsa'u jikau weye. Taa ala, sika intok aman jume' nemak werim tejwaane, in yo'owabeu intok ket enchim yo'owabeu, intok in Liojtau intok enchim Liojtau bicha nee weebae'eti jiune.

KRIJTOTA YEU PU'ARIM YA'ARI 10:30

Junako ju'u Korneelio: ―I'an naiki taewaim weye beja, jumak jiba inaeko, jiba inim in jo'apo nee Liojta yo'ori betchi'bo, ka ji'ibwan intok nee kupte'u bichaa aapo'iku bicha jiba in noka'uta nee weetuan. Junama'a junak, seej chukti senu o'ou, tua beojkok tajo'oreka, aapo neu au yeu machiak.

KRIJTOTA YEU PU'ARIM YA'ARI 10:9

Yokoripao juname'e ketuni am bicha am bo'o joao su intok inime'e jaibu junaman bwe'u jo'ara Joppe' tea'u jeela am kateo su, junaman ju'u Peeo, junama kariu jikau ja'amuk, junama'a jumak luula kateko, junaman jikat Liojtau bicha nokbaekai.

KRIJTOTA YEU PU'ARIM YA'ARI 9:40

Taa ju'u Peeo, junako, si'ime jume' ama aneme yeu kat saek. Intok tonommea kikteka, Liojtau bicha nookak. Junak intok junama'a ju'u mukiatau kuaktaka: ―Tabiita, yejte'e ―ti au jiiak. Junako aapo remtek. Intok junama'a Peota bichakai, yejtek.

ROMAANOM 8:5

Bwe'ituk jume'e, kia bem ea'po aman, bem tu'ure'uta joaka jiapsame, juname'e, inim weyemtat jiba emo temae. Taa jume'e, Liojta tu'u jiapsita ea'po aman jiapsame, Liojta betana weyemtat jiba jiapsek.

EPEESIOM 3:14

Jiba inika'a bitwamta betchi'bo, inepo, ju'u itom Jesukrijtota yo'owa Liojta bichapo nee tonommea kikteka nee au bicha nooka.