MATEEO 26:74 - Yaqui

⁷⁴ Junak intok ini'i, jita ka tu'ik au chupne, ka a' junuentuko, tua lutu'uriata au noka'ati jiaka: ―Kannee a' ta'aa inika'a o'outa ―ti jiakai. Junama'a lautipo senu totoi o'owia kukusuk.

MATEEO 26:74 ပူးပေါင်းရင်းမြစ်များ

MATEEO 10:28

Inim jume' yee sussu'ame eme'e ka majjaune, jume'e, jiapsita kaachin joame. Ala eme'e, juka' teekapo jiapsaka inika'a takaata intok kia juka' jiapsita juni'i, jum taji, jiba yuu beete'po jiba betchi'bo am tawaanemta, junaka'a eme'e majaune.

MATEEO 26:34

Ju'u Jesus junak: ―Lutu'uriapo ne eu inen jiia, inia tukaariat, totoi o'owiata kee a' kuseo, empo, temaiwaka, bajisi ka nee emo ta'a'ati jiune ―ti au jiiak.

MATEEO 26:73

Che'a chuubatuka jume' junama'a ane'um, Peotau rukteka: ―Lutu'uria, empo ketchia junamemak weye. Bwe'ituk junuen em noka'ut juni'i, empo ju'unakkiachi ―ti au jiiak.

MATEEO 26:75

Junak ju'u Peeo, Jesujta au teuwaaribeu wawaatek: “Juka' totoi o'owiata kee a' kukuseo, temaiwaka, bajisi empo ka emo nee ta'a'ati jiulatune”, ti a' jiaka'u. Ju'u Peeo intok junama'a yeu sika intok a' juiwaka tua bwaanak.

MATEEO 27:25

Ju'u yoemra intok si'ime: ―Itepo intok jume' itom yoemiam a' muknee'u betana, itom a' ya'ariaka'po itepo ju'unea ―ti jiaka a' yoopnak.

MAEKOS 14:30

Taa ju'u Jesus intok, aapo'ik inen yoopnak: ―Lutula wee'po ―ti au jiiak―, ne inen ne eu jiia, inie tukaariat, totoi'o'owiata kee wosa a' kukuseosu, empo, bajisi temaiwako, junalensu ket, bajisi, ka nee emo ta'aa tiune.

MAEKOS 14:68

Taa aapo ju'u Peeo intok: ―Tua ne ka'a ta'aa junaka'a ―ti au jiiak―. Intok ne kia ka ju'unea jachin em neu jia'apo ―tiia. Intok junama'a, ama yeu rejtiwa'po, pa'akun bicha yeu siika. Intok ju'u totoi'o'owia kukusek.

LUUKAS 22:60

Junak intok ju'u Peeo inen jiiak: ―Empo achai, tua kannee ju'unea jitat em etejoo'ut ―ti jiiak. Jiba junama lautipo juka' Peota ketuni a' nokao su, totoi o'owia kukussuk.

JOAN 18:27

Ju'u Peeo, juchi ka au a' ta'aa ti jiaka nookak. Junama'a intok sep, totoi o'owia kukussuk.

ROMAANOM 9:3

Inia betchi'bo, jiba inepo nee, Krijtota ka ta'aaka, ka tu'isi in tawaritunee'uta yeu pu'apea, junuen iniae jume' in wawaim, jume' tua nele benasi ijra'eliitam, a am jinne'uimtuneeo.

1 KORINTIOM 16:22

Senu intok, emo nasuk, yo'owe Jesukrijtota ka naksi a' eiyaabaao, ka tu'isi a' tawane'po betana witti a' tejwaane. Yo'owe Jesukrijto, eu te chaae, lauti itou yebijne.

APOKALIPSIS 3:19

Inepo si'imem jume' in nake'um, am nok tejwaa. Intok tu'isi bem jiapsine' betchi'bo, ne jiokot emo am bittua. Junuen san beja, empo nee betana weyemtat jiapsine. Intok ka tu'ik betana emo temaine.