MATEEO 23:8 - Yaqui

⁸ ’Taa eme'e, kaabeta junuen, yee maj majtame, ti enchim ta'aatuane. Bwe'ituk si'ime eme'e em nau weri. Intok ket eme'e wepu'ulaik jiba enchim maj majtamta a' jipue, juka' Krijtota.

MATEEO 23:8 ပူးပေါင်းရင်းမြစ်များ

MATEEO 10:25

Ju'u majtawame, ju'u a' majtaka'uta benasi jita tu'ik ta'aaka, junaemak yanti elne. Ju'u tekokame intok ket, a' tekowata benasi tekileu junuen yumakai, yanti elne. Taa junuen juka' che'a yo'ota juni'i su, bebeje'eri jiapsimmeu yo'owe ti a' teuwaawao, jiba tua jume' a' yoemiawam che'a juni'i junaen teuwaanaa.

MATEEO 17:5

Ket juka' Peota nokao su, naamu, tua beojkoka am roptak. Junama'a namupo betana intok, jiawai jikkajituk: ―Ini'i juna'a ju'u in yoemia in nake'u, ae betchi'bo tua in allea'u. Aapo'ik eme'e a' nok jikkajine ―ti jiakai.

MATEEO 23:10

Intok kia eme'e inim, kaabeta betana, yo'o ja'abwaim ti enchim ta'aatuane. Bwe'ituk ju'u yo'owe Jesukrijto aapola juna'a ju'u emou yo'otaka weyekame.

MATEEO 23:7

Intok jum aet naj katwa'ummet, inime'e, yoemrata tua yo'orisi am tetebotua i'a. Intok ket juname'e, yee maj majtame, ti am teuwaa i'a.

MATEEO 26:25

Junak intok nookak ju'u Juuras, ju'u aapo'ik yeu bwijneeme intok: ―Yee majtame, jaisa tua inepo juna'atunee ja'ani ―ti au jiiak. Jesus: ―Jeewi, empo juna'a ―ti a' yoopnak.

MATEEO 26:49

Junak intok aapo, ju'u Jesujtau rukteka intok: ―Ketchi allea, yee majtame ―ti au jiiak. Intok aet tentek.

MAEKOS 10:51

Jesus intok inen au noktaitek: ―Jitasa empo nee enchi ya'aria i'a ―ti a' temaek. Juna'a yoem lipti intok: ―Achai ―tiia―. Juchi in bitne' betchi'bo, in pusim tu'ute'e ―ti au jiiak.

MAEKOS 11:21

Junak intok ju'u Peeo, tukariapo, Jesujta au a' teuwaaka'utau wawaateka: ―Itom majtame ―tiia―, ju'u chuna'ouwo, tuuka, junuen em au bette nokie jiaka'u, waakek ―ti au jiiak.

MAEKOS 14:45

Intok ama yajaka, ju'u Juraj Ijkarioote' teame, Jesujtau rukteka, a' pujbawapo aet tenteka: ―Yee mamajtame ―ti au jiiak.

MAEKOS 9:5

Junak intok ju'u Peeo, Jesujtau: ―Tu'isi ne allea achai ―tiia―, itom inim ane' betchi'bo ―tiia―. Tu'i ean, itepo inim baji ili juya karim yaaka'ateko, senuk ee betchi'bo, senuk intok Eliaj teamta betchi'bo. Intok Moiseejta betchi'bo, ket seenuk.

LUUKAS 22:32

Taa inepo, nee jaibu Liojtau bicha enchi nokriasula, junuen, jiba Liojtat eaka em a' suale'uta, ka em a' koptane' betchi'bo. Intok empo aet chukula, inia betana tu'isi yeu simlatakai, junak jume' Krijtopo emak werim inime'e Liojta bem suale'u betana, ka ta'abwisi intok bem eene' betchi'bo am aniane.

JOAN 1:38

Junak intok ju'u Jesus, amau bitchuka intok bempo'im aet cha'aka kateme bichakai: ―Jitasa eme'e jaiwa ―ti ameu jiiak. Bempo intok: ―Yee majtame, jakunsa empo jo'aak ―ti au jiiak.

JOAN 1:49

Junak ju'u Natana'el: ―Yee majtame, empo tua juna'a ju'u Liojta yoemia. Empo tua juna'a wa'a, inim Ijra'el yoemratau che'a yo'o ya'ari ―ti au jiiak.

JOAN 11:8

Jume' a' majtim junak aapo'iku: ―Yee majtame, i'an jeela jume' juriom junama jo'aakame, tetammea enchi mamaasuka enchi me'ebaen. I'an intok, jaisa empo juchi aman weebae ja'ani ―ti au jiiak.

JOAN 20:16

Ju'u Jesus junak: ―Maria ―ti au jiiak. Aapo ju'u Maria, au kuakteka intok a' ta'aaka, ebreeo nokpo: ―Rabboni ―ti au jiiak. Ini'i, yee majtame ti jiubae.

JOAN 3:2

Ini'i Nikoreemo' teame, tukaapo Jesujta a' ane'epo au noitek intok inen au jiiak: ―Yee majtame, ju'uneate Liojta betana em itom majtane' betchi'bo a'abo em bittuarituka'po. Bwe'ituk kaabe machilaata a jita a' joa'uta a' jooa em a' joa'a benasia, Liojta ka aamak tuko ―ti au jiiak.

JOAN 3:26

Junuen san, inime'e, juka' Joanta a' tejwaaboka au sajak: ―Yee majtame, a' ju'uneiyaane, wa'a batwee Joran tea'abeas, ta'ata yeu we'e betana emak ane'u, ju'u em aapo'ik betana itou nokaka'u, i'an ket juna'a yee bato'owaa intok si'ime jeela aamak eaka au yajja ―ti au jiakai.

JOAN 4:31

Imin intok ketunia jume' aapo'ik majtim Jesujtau nookan: ―Yee majtame, ili'e ji'ibwa ―ti au jiakai.

JOAN 6:25

Inime'e junuen, junae bwe'u bau ba'a waetana yajaka, juka' Jesujta ama teak, intok bempo: ―Yee majtame, jakwoosa empo inim yepsak ―ti au nattemaek.

JOAN 9:2

Jume' a' majtim intok: ―Yee majtame, jaisaaka tua ini'i yoeme, ka bichaka yeu tomtek. Jaisa jume' a' yo'owawam ka tu'ik bem a' ya'ala' betchi'bo ja'ani, oo jiba aapo'ik ka tu'ik a' ya'ari betchi'bo ja'ani ―ti au nattemaek.

2 KORINTIOM 1:24

Itepotee ka jachin juni'i, Krijtota enchim sualnee'ut enchim utte'a jooria. Bwe'ituk eme'e jaibu em junama wa'am, ka ta'abwisi intok Krijtota suale. Taa ala, che'a juni'i enchim alleenee'ut te enchim aniabaeka'ea.

2 KORINTIOM 4:5

Itepo yee majtakai, katte ito betana weyemta yeteu teuwaa. Taa ala ju'u itom yee majta'u, Jesukrijtota itom a' yo'owaka'po betana a' teuwaa. Itepo intoko ito betana kia te beja enchim nesauta jooriame benasi itom ea'uta ite enchim ju'unee i'a, Jesukrijtota itom nakeka a' yo'ore' betchi'bo.

EPEESIOM 3:15

Ju'u Lios, si'ime jume' ka nanau machi yoemra inim jiapsame, intok jum teekapo juni'i, si'ime jume' ankelesim ama aneme, aapo'ik bichapo si'ime ju'u bem ta'eenaa'uta ameu yeu am pu'anemta, junae Liojta bichapo ne enchim nokria.

PILEMON 1:16

Taa i'an, ka bat naataka em a' jipue'e benasia a' mabetne. Taa che'a a' eiyaakai, ka enchi a' teko i'akai, taa em a' sailaka a' nake'e benasia a' mabetne. Inepo ala nee tu'isi a' nake. Taa empo nee bepa che'a a' nakpo yuma'i. Ka kia ele benasia a' yoemtuka' betchi'bo jiba, taa che'a, Krijtopo emak a' weriaka' betchi'bo.

SANTIAAKO 3:1

Krijtopo nemak werim emo nasuk ka juebenaka annee, jume' yee majtawamta emo tekil makbaaneeme. Bwe'ituk ju'uneewa, itom, jume' yee majtame, che'a juni'i bepa itom ya'uraa bittuanaa'po.

1 PEEO 5:3

Eme'e, jume' enchim ameu ja'abweka'ummeu, eme'e ka enchim ameu yo'o yaa'uchimtuka'a benasi eene. Ala eme'e ame bichapo tu'ik joobaanee junuen enchim am mammatene' betchi'bo.

APOKALIPSIS 1:9

Inepo Joan teame, Krijtopo ne emo mak weri. Intok emo benasia ne ae betchi'bo jiokot ino bicha. Intok, yo'otaka itom annee'uta ne a' bitbae. Intok Jesukrijtota betana aniawaka, a itom bo'o bicha'po. Inepo, bawepo ili bwiata yeu kateka'po, Patmoj tea'po nee tojiritukan, achai Liojta betana nok lutu'uriata, juka' Jesukrijtota betana lutu'uriateita, yeteu in a' teuwa' betchi'bo.

APOKALIPSIS 19:10

Inepo, ju'u ankelejtau ne tonommea kiktek a' yo'oribaekai. Taa aapo inen neu jiiak: ―Kat junuen aane. Bwe'ituk inepo, jiba ele benasi ne achai Liojta betana tekilta jooa. Intok wate, jume' Krijtopo emak werim, jume' Jesukrijtota betana nok lutu'uriata, ka a' koptame benasia. Achai Liojta ala yo'orine. Bwe'ituk ju'u lutu'uria, Jesukrijtota betana teuwaawakame juna'a, jume'e, achai Liojta betana lutu'uriata yeteu nokame, ju'u am aniame.

APOKALIPSIS 22:9

Taa juna'a: ―Kat junuen aane ―ti neu jiiak―. Bwe'ituk inepo, achai Liojta betana ne tekilta jooa, jiba ele benasia intok jume' Krijtopo emak werim, jume' achai Liojta betana yeteu noktuawame, intok si'ime jume'e, inim lipropo juka' ji'ojteita a' nok jikkajame benasia. Achai Liojta ala yo'orine.