MATEEO 2:17 - Yaqui

¹⁷ Junuen chupuk ju'u Jeremiaj tuka'uta, Liojta betana aet ju'uneetuawaka, inen a' teuwaaka'uta:

MATEEO 2:17 ပူးပေါင်းရင်းမြစ်များ

MATEEO 2:15

Junama'a bempo taawak, Eroorej teamta a' muke'u tajtia. Ini'i inien yeu siika junuen yeu a' yuma'ane' betchi'bo juka'a, achai Liojta, senuk aet ju'uneetuaka inen jiaka a' teuwaaka'uta: “Ejipto' tea'a betana nee, in yoemiabeu chaaek”, ti jiakai.

MATEEO 2:16

Ju'u Eroorej teame junak, jume' susuawakame betana, jak wa'am a' eiyaawaka'uta ju'uneiyaakai, tua o'omtek. Intok si'ime jume' ili uusim, illitchim, wooi wasuktiammeu tajtia, jum jo'araa Beleem tea'po intok wate au jeela ili jo'arammetchi jiapsame, am su'a tebok. Jume' susuawakame betana, chokita jak weyeo tua bem a' bichaka'u, junae betana tejwaawaka'u, taewaita ju'uneiyaakai, am su'a tebok.

MATEEO 2:18

Ili jo'ara Ramaa' tea'po, jiokot jiuwaka intok bwanwame ama jikkajituk. Ju'u jamut, Rakel teame, a' yoemiam betchi'bo bwaanan. Intok kaabeta a' jiapsi yecha'a i'an. Bwe'ituk juname'e jaibu kokkolamtukan, ti a' jiaka'po.

MATEEO 27:9

Intok inien yeu chupuk ini'i, ju'u Liojta betana ju'uneetuawaka, Jeremiaj teamta inika'a: “Jume' senu taka ama woj mamni tosai tomim nu'uka. Tomita, juka' Ijra'el yoemrata ae betchi'bo a' a'awaka'uta.