MATEEO 12:18 - Yaqui

¹⁸ Ini'i juna'a ju'u nee betana tekilta joame. Ini'i ju'u in yeu pu'ari, in nake'u. Intok inia betchi'bo tua in allea'u. Nee betana juka' tu'ik jiapsita nee aet autuane. Intok ini'i, nee betana juka' in yee ya'uraa bittuanee'uta, si'ime ka nanau machi yoemratau a' teuwaane.

MATEEO 12:18 ပူးပေါင်းရင်းမြစ်များ

MATEEO 12:17

Ini'i junuentuk, junuen a' chupne' betchi'bo juka' bat naataka, Liojta betana ju'uneetuawaka yeteu noktuawakame, Isa'iaj tuka'uta teuwaaka'uta inen a' jiako:

MATEEO 17:5

Ket juka' Peota nokao su, naamu, tua beojkoka am roptak. Junama'a namupo betana intok, jiawai jikkajituk: ―Ini'i juna'a ju'u in yoemia in nake'u, ae betchi'bo tua in allea'u. Aapo'ik eme'e a' nok jikkajine ―ti jiakai.

MAEKOS 1:11

Intok juna'abo, teeka betana, jiawai aman ko'om yuumak, inen jiakai: ―Empo ju'u in yoemia ―ti jiia―, tua in nake'u, intok etana in allea'u, tu'isi net aayuk ―ti jiamta jikkajituk.

MAEKOS 9:7

Naamu intok amet ko'om yejteka am roptak. Junama'a namupo intok senu jiawai jikkajituk: ―Ini'i juna'a, ju'u in yoemia ―tiame―, tu'isi in nake'u, enchim nok jikkajinee'u. ―Junuen jikkajituk ju'u jiawai.

LUUKAS 23:35

Ju'u yoemra junama aneka a' bitchun. Intok kia junama'a ju'u yoemratau yo'oora juni'i, ama aneka, ka a' yo'oreka nookan inen jiakai: ―Aapo watem jinne'uk. I'an ela'po aapo, aapola au jinne'une, lutu'uriapo aapo ju'u Krijto' teame, Liojta betana yeu pu'arituko ―ti jiian.

LUUKAS 3:22

Intok juna'abo ju'u Liojta tu'u jiapsi, ju'unakkiachisi, wokkoita benasi Jesujtat ko'om siika. Teeka betana intok jiawai: ―Empo juna'a ju'u in yoemia tua in nake'u, ee betchi'bo nee tua allea ―ti jiaka jikkajituk.

LUUKAS 4:18

Achai Liojta betana ju'u tu'u jiapsi, nemaktuka nee ania. Bwe'ituk aapo, wepulsi iniau nee yeu pu'ari junuen, jume' kaitae emo ania machimmeu, bemelaka, tu'ik betana in ameu nokne' betchi'bo. Jume' tua siok kokkome, am jiapsi jo'a betchi'bo nee ameu bittuari. Jume'e, bebeje'erita betana eta'im benasi emo bichame, bem su'u tojitunee'uta ameu teuwaa betchi'bo. Intok jume' ka bibichame benasi tawalame, bittua betchi'bo. Intok wame'e, watem betana ka tu'ik bittuawame, juname betana bem anianaa'uta.

LUUKAS 9:35

Junak intok junama namupo betana jiawai jikkajituk: ―Ini'i juna'a ju'u in yoemia in nake'u. Aapo'ik eme'e a' nok jikkajine ―ti jiakai.

JOAN 3:34

Bwe'ituk ju'u, Liojta betana yeteu bittuari, ini'i, Liojta betana juka' nokta weyemta a' teuwaa. Bwe'ituk ju'u achai Lios, juka' a' yoemiawata juka' a' tu'u jiapsiwata, kaita be'eeka aet autua.

KRIJTOTA YEU PU'ARIM YA'ARI 10:38

Ketchia juka' Liojta, Jesus, jo'ara Nasaret tea'po jometa, aapo'ik betana a' tu'u jiapsie, si'imeku utte'ata aet autuaka, intok junuen, tu'ik jiba joaka a' jiapsa'po intok aapo'ik si'imem wame'e bebeje'erita betana jiokot emo bittuawame, junae betana aapo'ik am tu'uteka'uta, eme'e a' ju'uneiyaa. Aapo inika'a si'imeta jooan, achai Liojta aamak tuka' betchi'bo.

KRIJTOTA YEU PU'ARIM YA'ARI 11:18

Junako, chukula jume' bwe'u jo'ara Jerusalen tea'po, Krijtota sualeme inika'a teuwaawakamta a' jikkajisukai, bempo, kaita intok a' beje'eka nookak. Intok inime'e, alleaka Liojta bem a' yo'oree'uta teuwaan, intok: ―Lutu'uria, ju'u Lios i'an ket juka' tatta'abwi intok ka jurio yoemrata, juname'e, juka' ka tu'ik a' koptaka intok junuen juka' jiba yuu jiapsiwamta bem a' bitne' betchi'bo, inika'a am ya'aria i'aka, ametana a' waata ―ti jiakai.

KRIJTOTA YEU PU'ARIM YA'ARI 14:27

Junako bempo, jum Antiokia' tea'u yajakai, junama'a jume' Krijtota sualeme nau tojaka intok ameu si'imeta juka' Liojta am aniaka bem yaaka'uta intok junuen achai Liojta jume' ka jurio yoemra, ket Krijtota ta'aaka a bem a' suale' betchi'bo, amemaktuka bempo'im am aniaka'uta am etejoriak.

EPEESIOM 1:6

Inia betchi'bo itepo, Liojta betana kaitau a tamachiatuka tu'ik itom a' ya'ariaka'u betchi'bo, jiba te aapo'iku bicha itom a' bai sae'uta, alleaka te au bicha a' teuwaa. Inika'a aapo, ju'u a' yoemiawata, tu'isi a' nake'u mak itom eaka jiapsa' betchi'bo, itom a' bittuak.

KOLOSENSEM 1:1

Inepo Paplo, Liojta junen eaka' betchi'bo, Jesukrijtota beetana yeu pu'ataka nee yeteu bittuari. Inepo intok ket, ju'u Krijtopo itomak weri, Timoteeo' teamta make,

KOLOSENSEM 1:13

Ju'u Lios, inim itom jume' lutu'uriat ka ju'uneaka intok bebeje'erita betana yekawaka, ka tu'ik itot ayukamta betana, aapo itom jinne'uk. Intok aapo, tua a' nakeka a' yoemia, teekau nesaweka a' kateka'u, junaman jiba betchi'bo itom aamak ane'uta itom a' tu'u ya'ariak.

1 PEEO 2:4

Junuen san eme'e, tetata tu'ika eiyaawatchisi a' machiaka'a benasi, junuen, Jesukrijtotau bicha, ju'u yee jiapsituamtau bicha, aet emo temaine. Inim ju'u yoemra, yeu a' tawaak juka' Krijtota. Taa Liojta betana, ini'i yeu pu'atuk, intok si'imek bepa eiyaawatchisi machikai.

2 PEEO 1:17

Bwe'ituk itepo a' bichak, achai Liojta, ito bichapo, eiyaawatchisia intok yo'orisi maisia a' bit teboko. Achai Liojta betana intok, jiawai, tua ujyoisi: “Ini'i juna'a, ju'u in yoemia, in nake'u. Aapo'ik betana ju'u tua in allea'u”, ti jiakai.