MATEEO 11:10 - Yaqui

¹⁰ Ini'i Joan juna'a, ju'u, jum Liojta nok lutu'uriapo ae betana inien jiaka ji'ojtewakame: Inepone, juka' nee betana yeteu nokneemta epat a' bittuabae. Junuen inika'a, ju'u yoemratau nokaka, ee beas juname'e, bem emo jiapsi temaeka, enchi am mabetne' betchi'bo.

MATEEO 11:10 ပူးပေါင်းရင်းမြစ်များ

MATEEO 11:11

Taa lutu'uriapo ne emou inen jiia, yoemrata inim jiapsa'po naateka i'an tajtia, ju'u Joan yee bato'owamta bepa, kaabe che'a eiyaawatchika inim jiapsak. Junuentaka juni'i, jum teekau, Liojta yo'otaka kateka'u, ju'u che'a ka eiyaawatchi, inia bepa che'a eiyaanaa.

MATEEO 11:3

Inime'e junuen: ―Jaisa empo juna'a ju'u Krijto yebijnee'u ja'ani, oo te ketun senuk bo'o bitnee ja'ani ―ti au nattemae' betchi'bo.

MATEEO 3:3

Ini'i Joan jiba juna'atukan, wa'a, juka' Isa'iajtuka'uta, Liojta betana ju'uneetuawaka, inia betana inen a' ji'ojteka'u: Mekka bweka pa'ariapo senuk jiawai, chaae nokpo noka'u jikkajiwa, inen jiakai: “Juka' achai Liojta, a'abo bittuanemta mabet betchi'bo, Aawas enchim jiapsim tu'utene. Juka' inim ka tu'ik su'u tojine”, ti jiakai.

MAEKOS 1:2

Bat naataka ju'u Isa'iajtuka'u, Liojta betana noktuawakame, inika'a inien weenemta a' teuwaak, intok a' ji'ojtek, inen jiakai: Senuk epat weenemta, intok epat a' lutu'uria ya'anemta ne epat na'a bittuabae, ti jiia ju'u Lios. Juna'a intok, ju'u yoemra enchi bat mabetneeme, eewas, bem jiapsim bem tu'utene' betchi'bo, ameu nokbae.

LUUKAS 1:76

Empo intoko in yoemia, Lios, teekau jiapsamta betana weyeka chukula yeu weenemta teuwaame ti empo ta'eenaa. Bwe'ituk empo itom yo'owata bepat weyeka, ju'u yoemratau noknee.

JOAN 1:23

Ju'u Joan inime'e inen yoopnak: ―Ineponee ju'u, mekka pa'aku, kaabeta jo'araka'po, chaaeka inen nokamta jiawai: “Juka' yo'ota a'abo yebijnemta a' mabet betchi'bo, juka' ka tu'ik su'u tojaka, aawas emo tu'utene”, ti jiame, tua ju'u Isa'iajtuka'u, Liojta betana ju'uneetuawaka aapo'ik a' teuwaaka'a benasia.