MAEKOS 8:23 - Yaqui

²³ Junak intok, junaka'a yoemta liptita, mampo bwiseka, junama'a ili ka bwe'u jo'ara a' ane'epo, pa'akun bicha yeu a' nuk siika. Intok a' pujpo a' chitta amet yaak. Junak intok ae bepa mamteka, jaisa ka'a bicha ja'ani, ti au nattemaek.

MAEKOS 8:23 ပူးပေါင်းရင်းမြစ်များ

MAEKOS 5:23

tu'isi au ujbwanak: ―Ju'u in maara, unnaa ko'okoe, intok abe muuke ―ti au jiian―. Empo aman au sikaa, aet mamte'e, tiia. Bwe'ituk junuentuka'ateko, juna'a, au inne'eteka, jiapsine ―ti au jiiak.

MAEKOS 7:33

Intok aapolaik kaabeta ane'epo, omot bicha a' nuk sikaa, junama'a a' nakawapo a' mam pusiawam aet ja'abwak. Intok mam pusiapo au chittuaka, junae yoemta ninpo aet mamtek.

MAEKOS 8:24

Juna'a yoeme intok, ili bit jeelaika, inen jiiak: ―Yoemem ne naj kateme ne bicha ―tiia―, taa kia juyam benasi mamachime.

MAEKOS 8:26

Junak intok ju'u Jesus, junaman ka bwe'u jo'arau bicha, ka intok a' weesaen, juka' tu'uwata au a' yaaka'uta ka junaman a' etejo'ii'akai. Kiali'ikun a' jo'awau bicha a' simsaeka a' tejwak.

KRIJTOTA YEU PU'ARIM YA'ARI 23:19

Ju'u sontaommeu yo'owe, juka' ju'ubwa yo'otumta a' mampo a' bwiseka, omola a' nuk sika intok: ―Jitasa empo neu teuwaabae ―ti au nattemaek.

KRIJTOTA YEU PU'ARIM YA'ARI 9:8

Junako ju'u Saulo, chukula junama'a bo'opo kikteka taa ini'i puj remtekai, tua ka bichan. Junuen san jume' waate a' wik sakaka intok junaman bwe'u jo'araa Lamajko' tea'u a' nu'upak.

EBREEOM 8:9

Ka jume' bempo'im yo'owasuka'um mak lutu'uriata in amemakta yaaka'u benane. Junak, bwiaraa Ejipto' tea'a betana yeu am nuk sika inepo am aniakai. Bempo su junaka'a lutu'uriata in amemak yaaka'uta, ka aet yeu yuumakai. Intok junae betchi'bo ne ka am aniaka am koptak, ti jiia ju'u achai Lios.

APOKALIPSIS 3:18

Junuen san ne enchi tejwaa, sawai tomita, tajipo tu'uteita em neu jinune' betchi'bo. Junuen lutula wee'po, nee betana weyemtat ka jiokot em eene' betchi'bo. Intok ket, tosai tajo'ota neu em jinune' betchi'bo, em a' tajo'otene' betchi'bo, intok ka ausu'lika em jiapsine' betchi'bo. Intok juka' puj jittoata neu a' jinune, pujpo em et a' yaaka, juchi em bitne' betchi'bo.