MAEKOS 6:37 - Yaqui

³⁷ Aapo ju'u Jesus intok am yoopnaka: ―Eme'e am ji'ibwatua'em ―ti ameu jiiak. Bempo intok inien a' temaek: ―Jaisa jumak, te aman sajaka, tiian, paanim woi sientom lenaariom jinuriaka, am a'a'aboj betchi'bo ja'ani, tiian. Jaksa te jita nu'uka am ji'ibwatuane' betchi'bo.

MAEKOS 6:37 ပူးပေါင်းရင်းမြစ်များ

MATEEO 14:16

Ju'u Jesus: ―Ka utte'a bem saka'anee'u. Eme'e am ji'ibwatuane ―ti ameu jiiak.

MATEEO 18:28

Taa ini'i tekokame, jiokoliwakame, junama'a yeu sikaa, seenuk aamak tekokamta teak. Inika'a ka jaikik a' wikiriamta. Junaka'a kuta naat a' bwiseka, a' jiabij meme'aaka: “Juka' em nee wikiria'uta sep nee beje'etua”, ti au jiiak.

MAEKOS 6:36

Tu'i ean ―tiian―, inika'a yoemrata, empo, bem bwa'anee'uta bem aman jinune' betchi'bo, inim ka itou mekka, jume' ili jo'aram joka'awi am bittuaka'ateko ―tiian―. Bwe'ituk kaitam bwa'amachi ―tim au jiiak.

MAEKOS 6:38

Jesus intok: ―Jaiki paanimsa eme'e nunu'ubwa ―ti am temaek―. Aman sajaka a' bicha'em ―ti ameu jiiak. Aman am ju'uneyyaka intok: ―Mamni paanim, intok wooi kuchum ―tim au jiiak.

LUUKAS 7:41

Ju'u Jesus iniau: ―Waate woika, seenuk tomita yee rereuwamta a' wikiriian. Seenu, mamni siento tosai tomim a' wikiriian. Senu intok woi taka ama woj mamni tosai tomim a' wikiriian.

LUUKAS 9:13

Taa Jesus: ―Eme'e am ji'ibwatuane ―ti ammeu jiiak. Bempo: ―Kaita te jipue. Tua mamni paanim intok wooi kuchum jiba ―ti au jiiak―. Kia itepo si'ime inia yoemrata betchi'bo bwa'amta ama jakun a' jinuk jiba ―ti au jiiak.