MAEKOS 5:35 - Yaqui

³⁵ Ket junuen a' nokaosu, ju'u yo'o ya'arime, Jairo' teamta jo'aa betana, waate ama au yajak, inien jiakai: ―Em mara muukuk ―tim au jiian―. Kat intok inika'a yee majtamta suate bicha ―tiian.

MAEKOS 5:35 ပူးပေါင်းရင်းမြစ်များ

MATEEO 26:10

Ju'u Jesus inika'a jikkajaka intok inimmeu: ―Jaisaaka eme'e inia jamuttau suua. Ini'i, aapo'ik neu ya'ari, tu'uwa jiba ―ti ameu jiiak―.

MATEEO 26:18

Aapo inen ameu jiiak: ―Bwe'u jo'arau eme'e katnee, aman inia senu yoemta a' jo'awi. Junama'a intok iniau eme'e: “Nee betana si'imeta aet chupnee'u, ju'u taewai yuma'asek. Intok jum em jo'apo ne, jume' in yeu pu'arimmak, juka' pajkot joowamta a' chupa'abae”, ti jiia ―ti eme'e au jiune.

MATEEO 9:18

Juka' Jesujta ket inika'a weemta ameu teuwaao su, senu juriommeu ya'ut ama au yepsaka au tonommea kiktek intok: ―In maara ju'ubwa jiba muuke, taa enchi aman sikaa, enchi aet mamteko juna'a juchi jiapsine ―ti au jiiak.

MAEKOS 10:17

Aapo intok, junama'a yeu sikaa, bo'ot a' weyeo, senu au tajtia buiteka, aapo'ik bichapo, tonommea kikteka au nattemaeka: ―Tu'u yoeme ―tiia―. Yee mamajtame ―ti Jesujtau jiiak―. Jaisa ne auka tua, juka' yuu jiapsiwamta net aune ―ti a' temaek.

MAEKOS 5:22

Junama'a intok, seenu, juriom emo nau totojiwaka'po, ama yo'o ya'arime, intok Jairo' teakai. Juna'a ama Jesujtau bicha yeu sikaa, au yepsaka, au tonommea kikteka,

LUUKAS 8:49

Juka' Jesujta ket a' nokao su, seenu, ju'u juriom nau emo totoja'po yo'o ya'ari, Jairo' teamta jo'aa betana ama yepsak intok Jairo' teamtau: ―Ju'u em mara muksuk. Kat intok naa buusti ju'u yee mamajtamta aet suati bittua ―ti au jiiak.

JOAN 11:21

Ini'i Maata intok ju'u Jesujtau: ―In yo'owa, enchi inim aneo, ju'u in abachi ka muk ean ―ti au jiiak―.

JOAN 11:25

Junak ju'u Jesus iniau: ―Ineponee juna'a, ju'u kokkoarim nasuk yee jiabijtetuaka, jiba yuu jiapsiwamta yetet utuane. Junuen, wa'a nee sualeme, kia mukiataka juni'i, juna'a juchi jiapsine.

JOAN 11:28

Chukla inika'a teuwaasukai ju'u Maata, ju'u a' waaibeu Maria' teamtau chaaebaeka au siika intok junau: ―Ju'u yee majtame im aane intok eu chaae tebo ―ti jiaka, ka kusisi a' tejwaak.

JOAN 11:32

Junak intok ju'u Maria, Jesujta ane'u yepsakai, aapo'iku tonommea kikteka intok: ―In yo'owa, enchi im aneo, ju'u in abachi ka muk ean ―ti au jiiak.

JOAN 11:39

Junak ju'u Jesus: ―Juka' tetata em omola kechaa ―ti jiiak. Ju'u Maata, ju'u mukukamta mak weri: ―In yo'owa, ini'i jiba tua jumak, jaibu tua juuba, bwe'ituk jaibu naiki taewaim jipue mukiatakai ―ti jiiak.

JOAN 5:25

Tua ne lutu'uriapo junen jiaka inika'a teuwaa, taewai yuma'ane, intok jiba i'an su jaibu yuma'alaa, junak jume' kokkoarim juka' Liojta yoemiata, aapo'ik jiawaita am jikkajineeo. Jume' intoko a' jikkajakame, jiba yuu jiapsine.