MAEKOS 10:52 - Yaqui

⁵² Jesus intok inen au jiiak: ―Em jiapsipo em a' suale' betchi'bo, ka jain eaka weene. Juche'e bitne'e ―ti au jiakai. Junak intok sep bittaitek. Intok Jesujtat cha'aka katemmak, amemak siika.

MAEKOS 10:52 ပူးပေါင်းရင်းမြစ်များ

MATEEO 11:5

Jume' ka bibichame, am bittuawa'po. Jume' intok lolo'im rejte'po. Jume' intok, sa'awaka, lepra' teamtae ko'okoeme, junae betana am tuttu'urea'po. Jume' ka jikkajame tu'ireaka am jijikkaja'uta. Jume' intoko kokkokame, juchi jijiabijtetuawa'po. Jume' intoko inim jiokot aneka jiapsammeu, Liojta betana juka' tu'i nok lutu'uriata am majtawaa'uta a' etejoriane.

MATEEO 12:22

Junak intok seenu, ka bichaka intok ka a nokaka, intok bebeje'erita ka tu'ik jiapsekamta, ini'i, Jesujtau tojiwak. Ju'u Jesus, inika'a au a' ine'etetuak. Junuen san ini'i, juchi bichaka intok a nookan.

MATEEO 15:28

Junak intok ju'u Jesus, iniau: ―Jeewi, tua empo Liojta a suale, em ea'po aman eu chupne ―ti au jiiak. Intok jiba junama naateka ju'u a' jamut asoawa, yuma'isi au ine'etek.

MATEEO 21:14

Junama'a te'opopo waate liliptim intok lolo'im, Jesujtau ruktek. Aapo intok inime'e emo ine'etetuak.

MATEEO 8:3

Junak intok ju'u Jesus aet mamteka: ―Junen ne ea, junuentune, tu'ine'e ―ti au jiiak. Inien a' jiusuko ju'u sa'awakame, a' ko'okoa betana au ine'etek.

MATEEO 9:22

Taa ju'u Jesus kuakteka intok juka' jamutta bichaka: ―Kat jain ea in yoemia, emo'e ine'etela. Junuen em nee sualeka' betchi'bo ―ti au jiiak. Junama lautipo aapo sep au ine'etek.

MAEKOS 1:31

Juna'a intok, mampo a' bwiseka, a' yechak. Ju'u taji wechia intok, sep a' su'u tojak. Sep intok am ji'ibworia taitek.

MAEKOS 5:34

Junak intok ju'u Jesus inen au jiiak: ―In jamut yoemia ―tiia―, em a' suale' betchi'bo, emo ine'etela'e. Kaachin eaka weene. Intok inia em ko'okoata betana emo ine'etelatakai ―ti au jiiak.

MAEKOS 8:25

Intok juchi intok a' pusiwammet aet mamteka, junak intok si'imeta tajpa'alasia machisi bittaitek.

LUUKAS 7:50

Taa Jesus ju'u jamuttau: ―Ka tu'ik betana empo jinne'uri junuen em nee suale' betchi'bo. Kaachin eaka weene ―ti au jiiak.

LUUKAS 9:48

Intok inimmeu: ―Inika'a ili usita, nee betana a' weye' betchi'bo, ju'u tu'isi a' mabetakame, nee junuen mabetlatune. Wa'a intoko nee junuen tu'isi mabetakame, ketchia junuen, a'abo nee bittuakamta mabetlatune. Ju'u emo nasuk che'a ka eiyaawaka bitwame, ini'i junen che'a eiyaawametune ―ti ameu jiiak.

JOAN 9:32

Inim jakwoo juni'i, kee senuk betana jikkajiwa senuk ka bichaka yeu tomtekamta inika'a juchi a' bittuaka'u betana.

JOAN 9:39

Junako ju'u Jesus: ―Inepo nee inim bwiau ne yepsak, junuen Liojta bichapo tu'ika bemelak ya'uraata inim aune' betchi'bo, junuen iniae, jume' liliptim bebenam, inime'e am bitne' betchi'bo. Jume' intok bibichame, inime'e, liliptim benasi am tawane' betchi'bo ―ti jiiak.

KRIJTOTA YEU PU'ARIM YA'ARI 26:18

Inimmeu nee, inepo enchi ameu bittua, junuen, ka bibichame benaka, inime'e, Liojta betana ju'u lutu'uriae, ta'abwisi weyeka bem joa'u betana, junae juchi am bittuakamta benasi em am aniane' betchi'bo. Intok junuen, ka intok ju'u bebeje'erita betana ka tu'ikut koba'imtaka, ala, achai Liojta mak eaka bem jiapsine' betchi'bo. Intok ketchia, bempo'im nee sualeka intok nee betchi'bo, bem ka tu'uwa ya'arimmet jiokoitaka intok junuen, si'ime wame'e, wepulsi Liojta betchi'bo bem jiapsine' betchi'bo yeu pu'arimmak na'ikiaritaka, juka' jiba yuu jiapsiwamta bem bitne' betchi'bo”, ti neu jiiak.