MAEKOS 10:51 - Yaqui

⁵¹ Jesus intok inen au noktaitek: ―Jitasa empo nee enchi ya'aria i'a ―ti a' temaek. Juna'a yoem lipti intok: ―Achai ―tiia―. Juchi in bitne' betchi'bo, in pusim tu'ute'e ―ti au jiiak.

MAEKOS 10:51 ပူးပေါင်းရင်းမြစ်များ

MATEEO 23:7

Intok jum aet naj katwa'ummet, inime'e, yoemrata tua yo'orisi am tetebotua i'a. Intok ket juname'e, yee maj majtame, ti am teuwaa i'a.

MATEEO 23:8

’Taa eme'e, kaabeta junuen, yee maj majtame, ti enchim ta'aatuane. Bwe'ituk si'ime eme'e em nau weri. Intok ket eme'e wepu'ulaik jiba enchim maj majtamta a' jipue, juka' Krijtota.

MATEEO 6:8

Junuen eme'e ka juname benasi anne. Bwe'ituk ju'u achai Lios jaibu ju'unea ju'u emou be'eemtat kee au bicha enchim nokao.

MATEEO 7:7

’Enchim waata'uta, Liojtau bicha a' a'aune, ju'u Lios intok, enchim a' bittuane. Intok kia juka' Liojta betana enchim jaiwa'uta juni'i, eme'e a' bitne. Maa su eme'e pueetata pona'ateko eme'e kima'anaa.

MAEKOS 10:36

Aapo intok: ―Jitasa eme'e waataka ―tiia―, enchim nee a' ya'aria'ii'a ―ti am temaek.

MAEKOS 10:50

Junak intok juna'a, a' jijine'um, kia ama to'o kikteka, Jesujtau bicha sikaa, aman au yepsak.

JOAN 20:16

Ju'u Jesus junak: ―Maria ―ti au jiiak. Aapo ju'u Maria, au kuakteka intok a' ta'aaka, ebreeo nokpo: ―Rabboni ―ti au jiiak. Ini'i, yee majtame ti jiubae.

KRIJTOTA YEU PU'ARIM YA'ARI 23:19

Ju'u sontaommeu yo'owe, juka' ju'ubwa yo'otumta a' mampo a' bwiseka, omola a' nuk sika intok: ―Jitasa empo neu teuwaabae ―ti au nattemaek.

PILIPENSEM 4:6

Inim eme'e, kia jita ayukamta betchi'bo juni'i, ka siok eebaane. Ala eme'e junae betana, si'imeta Liojtau bicha nokaka au a' teuwaane. Junuen au bicha emo nokriaka intok ketchia si'imeta betchi'bo enchim a' bai sae'uta teuwaane.