LUUKAS 8:50 - Yaqui

⁵⁰ Taa Jesus, junaka'a jikkajaka: ―Ka majjaune, ka ta'abwisi eaka a' sualne, ju'u intok em maara sep tu'ine ―ti au jiiak.

LUUKAS 8:50 ပူးပေါင်းရင်းမြစ်များ

MAEKOS 5:36

Taa ju'u Jesus inien jiuwamta jikkajaka, yo'o ya'aritau Jairo' teamtau, inen jiiak: ―Kate'e jachin emo eetua'e ―ti au jiiak―. Net yoem'ea'e ―ti au jiiak.

MAEKOS 9:23

Junak intok ju'u Jesus: ―Em inen neu jia'apo, “Empo a' jinne'u'uteko”, ti em neu jia'apo. Che'a juni san, empo em jiapsipo, Liojta suale'eteko, a jinne'utu. Bwe'ituk si'ime wa'a a' jiapsipo a' sualeme, kaita aawas aayuk ―tiia.

LUUKAS 8:48

Iniau ju'u Jesus: ―In yoemia, junuen em nee sualeka' betchi'bo empo tu'ureak. Alleaka intok ka jain eaka weene ―ti au jiiak.

LUUKAS 8:51

Junaman jo'arau yepsakai, kaabeta intok aamak aman kimutuak taa juka' Peota juka' Jakoobota, juka' Joanta intok jume' junae usi jamutta yo'owawam jiba.

JOAN 11:25

Junak ju'u Jesus iniau: ―Ineponee juna'a, ju'u kokkoarim nasuk yee jiabijtetuaka, jiba yuu jiapsiwamta yetet utuane. Junuen, wa'a nee sualeme, kia mukiataka juni'i, juna'a juchi jiapsine.

JOAN 11:40

Taa ju'u Jesus iniau: ―Jaisa inepo, juka' Liojta betana tua eiyaawatchika, a jita a' joa'uta em a' bitnee'uta, ka eu teuwaala ja'ani. Inika'a enchi a' sualeo ―ti au jiiak.

ROMAANOM 4:17

Juka' Liojta, aapo'ik sualeka'uta bichapo, jum Liojta nok lutu'uriapo a' ji'ojtei'i benasia: “Juebena yoemratau ne enchi achai yo'o ya'ari”, ti jiakai. Bwe'ituk ju'u Lios, aapo, jume' kokkoarim jijibijtetua. Intok juka' ketun kee yeu machiamta, jaibu tua junuen a' ayuka'a benasi a' tetteuwaa.

ROMAANOM 4:20

Intok kia Liojta au na'ikiaka'u betana juni'i, jiba aet yoem eak. Taa ala, che'a juni'i a' suale'u intok a' yoem eiyaa'u aet ayukan intok Liojta yo'oreka, a' alleetuak.