LUUKAS 8:38 - Yaqui

³⁸ Juna'a bebeje'eri ka tu'i jiapsimmea koba'isukame au nookan, aapo'ik aamak a' weetuane' betchi'bo. Taa Jesus ama a' tawane' betchi'bo au nookak:

LUUKAS 8:38 ပူးပေါင်းရင်းမြစ်များ

MATEEO 4:24

Bwiaraa Siiria' tea'po si'imeku ju'uneiyaawak ju'u Jesus. Intok si'ime jume' ka nanau maisi jiokot emo bichame au tojiwak. Ko'okoeme intok jak wanteme. Intok jume' bebeje'erita betana jiokot emo bichame, intok jume' kobapo ko'okoeka wat watteme. Intok jume' ka emo taka yekame. Jesus intok, inime'e emo ine'etetuak.

LUUKAS 8:28

Junak ini'i, Jesujta bichakai, au tonommea kiktek chaaekai: ―Kat neu suua Jesus, che'a yo'orisi machika ju'u Liojta u'usi. Ka jiokot em nee ino bittuane' betchi'bo ne eu ujbwana ―ti jiiak kusisi nokakai.

LUUKAS 8:37

Junako ju'u yoemrata si'ime ju'u junama'a bwiaraa Kalaara' tea'po jo'aakame, Jesujtau nok japtek junama'a yeu a' simne' betchi'bo. Bwe'ituk inime'e tua majjaen. Junuen san ju'u Jesus, jum bwe'u kuta kanoau ja'amuka ama yeu siika.

LUUKAS 8:39

―Em jo'aau bicha nottinee intok si'imeta juka' tu'ik Liojta eu ya'ari, junammeu a' teuwaane ―ti au jiiak. Junuen ini'i, sikaa, intok si'ime junama jo'arat a' teuwaak, juka' Jesujta au yaaka'uta.

PILIPENSEM 1:23

Inia wooi weemta betana obiachi ju'u in ama yeu pu'anee'u. Senu wee'po, nee mukuk juni'i inien a' tu'ure. Junuen inepo baa Krijtotamak anpeakai. Bwe'ituk ini'i junuen, nee betchi'bo che'a juni'i tu'i ean.