LUUKAS 7:29 - Yaqui

²⁹ Inika'a jikkajakai, si'ime ju'u yoemra intok jume' ya'uraatau bicha tomita weyemta nau totojame, ju'u Joanta betana bato'owaawakame, inime'e, Liojta si'imeku lutu'uriakamta jiba a' joaka a' tu'ure'po ju'unean.

LUUKAS 7:29 ပူးပေါင်းရင်းမြစ်များ

MATEEO 5:46

Bwe'ituk eme'e, jume' enchim eiyaame jiba nake'eteko, kaita chukula emou tu'ik ama bitne. Kia jume' yo'oraata betana tomita bem nau tojine' betchi'bo tekilta joame juni'isu ket inika'a jooa.

LUUKAS 20:6

Taa intok: “Inim jume' yoemem betana”, ti itom jiao, ju'u yoemra si'ime itom mamaasukai itom su'ane. Bwe'ituk inime'e, juka' Joantuka'uta, Liojta betana ju'uneetuawaka a' noktuawaka'uta tua junuen a' suale ―ti jiian.

LUUKAS 3:12

Ketchia jume' ya'uraatau bichaa tomita weyemta nau totojame, waate, Joantau emo bato'owaabaeka aman yajaka intok Joantau: ―Yee majtame, itepo su jaisa te auneekai ―ti au nattemaek.

LUUKAS 7:28

Taa ineponee inen emou jiia, juka' yoemrata inim jiapsa'po naateka i'an tajtia, ju'u Joan yee babatoowamta bepa, kaabe, che'a ae bepa eiyaawatchika jiapsila. Junuentaka juni'i, wa'a jum teekau, Liojta yo'otaka kateka'u tua che'a ka eiyaawatchikai juni'i, ae bepa che'a eiyaawatchine.

LUUKAS 7:35

Taa ju'u suawa Liojta betana weyeme, jume' aapo'ik Liojta betana suawakammet a ju'uneiyaatu.

KRIJTOTA YEU PU'ARIM YA'ARI 18:25

Aapo, yo'owe Jesukrijtota betana weyemta watek tu'isi a' majtitukan. Intok aapo, juka' a' teuwaa'ut, tua aet jiapseka alleerimmea nookan. Intok Jesukrijtota betana weyemta, tua machisi yee a' majtakai. Taa junuen, aapo wepulsi, juka' Joan tuka'uta yee babatoowamta betana intok aapo'ik Jesujta betana a' teuwaarita jiba a' ta'aakai.

KRIJTOTA YEU PU'ARIM YA'ARI 19:3

Junako ju'u Paplo inimmeu: ―Junak su, jaisa eme'e emo bato'owaa tebok ―ti ameu nattemaek. Bempo intok: ―Ju'u Joan tuka'u, yee babatoowamta betana, yee a' bato'owaaka'a benasia ―ti a' yoopnak.

ROMAANOM 10:3

Bwe'ituk bempo kattim ju'unea, Liojta jachin yee a' tu'u mabeta'po, ala bempo, bem junuen a' tu'ure'po aman aneka, Liojta betana tu'u mabetrimtubae. Taa juka'a, aapo'ik yee a' tu'u mabeta'u betana, ka a' mabetakai, omola a' tawaa.

APOKALIPSIS 15:3

Inime'e intoko, ju'u, Liojta betana tekilta joame, Moiseej tuka'uta betana weyeme, jume' bwikim bwiikan. Intok ju'u Bwalata betana weyeme, inen jiame: Si'imek bepa eiyaawatchi intok kaitau a tamachiatu, si'ime ju'u em ya'ari, achai Lios, si'ime utte'akame. Wepulsi lutu'uria intok kaita ka tu'ik aet aayuk em bo'o jooria'ut. Si'ime ka nanau machi yoemratau eiyaawatchika, si'imem bepa che'a yo'owe.

APOKALIPSIS 16:5

Sep ket ne juka' ankelejta, ba'ammeu bittuawakamta ne jikkajak inen jiamta: ―Empo juna'a wepulsi lutu'uriata jiba joame, yoemrata junuen au a' lutu'uriatuka'po aman jiokot au a' bittuakai, achai Lios, kaita ka tu'ik ya'arime. Empo i'ani intok che'a bat naatakai juni'i ju'u jiapsame.