LUUKAS 7:13 - Yaqui

¹³ Inika'a bwanamta bichaka ju'u yo'owe Jesukrijto tua a' jiokolek intok aapo'iku: ―Kat bwaana ―ti au jiiak.

LUUKAS 7:13 ပူးပေါင်းရင်းမြစ်များ

MAEKOS 8:2

―Inika'a yoemrata ne tu'isi na'a jiokoleka na'a bicha ―ti ameu jiiak―. Bwe'ituk jaibu baji taewaim inim nemak aneka, intok kaita bwa'amachi ―ti ameu jiiak―.

LUUKAS 10:1

Iniat chukula ju'u yo'owe Jesukrijto ket juchi wate, baji taka ama woj mamnim yeu pu'ak. Intok inime'e, wo wooim nau, si'ime bwere jo'arammeu intok ka bwere jo'arammeu aapo'ik wa'am weenee'u, aapat naas am bittuak.

LUUKAS 11:1

Sejtul juka' Jesujta ama jakun, Liojtau bicha a' nokaao, intok junako a' ansuko, a' majtim betana seenu: ―Achai, Liojtau bicha itom nokne' betchi'bo itom majtane, juka' Joanta jume' aapo'ik majtim a' majtaka'a benasia ―ti au jiiak.

LUUKAS 11:39

Taa ju'u yo'owe Jesukrijto iniau inen jiiak: ―Eme'e jume' paiseeom teame, juka' baasota intok juka' pu'atota pa'ariatana tu'isi am baksiane. Taa eme'e intok, wajiwa tana, jita etbwaka intok ka tu'ik yaaka enchim nu'ula'ue, junae tappuni.

LUUKAS 12:42

Ju'u yo'owe Jesukrijto inen jiiak: ―Inile benasi mamachinee ju'u yo'ota tekilta a' jooriame. Ini'i suawaka intok ka ta'abwisi eame. Inika'a, ju'u a' tekowa a' jo'aapo jume' a' yoemiammeu a' to'o simnee'u, juname'e aapo'ik am ji'ibwaneeo, junak am ji'ibwatuane' betchi'bo.

LUUKAS 13:15

Junak intok ju'u yo'owe Jesukrijto inika'a inen yoopnak: ―Ka tu'i yoemtaka juni'i emo tu'u joame. Jaisa emo betana kaabe ju'u a' wakajta oo a' buuru aet yum jo'e ta'apo a' woitaka, jakun a' ba'a ji'ituaneeme.

LUUKAS 17:5

Jume' aapo'ik yeu pu'arim inen yo'owe Jesukrijtotau jiiak: ―Che'a juni'i Liojta itom sual ta'aane' betchi'bo, itom aniane ―ti au jiiak.

LUUKAS 17:6

Junak ju'u yo'owe Jesukrijto inimmeu: ―Eme'e, kia ju'u mojtaasa bachiata beleekik juni'i, Liojta enchim a suale'uta a' ta'a'ateko, inia juya sikoomoro' teamtau a inen jiu ean: “Inim, chikti nawamak yeu sikaa, intok aman baweu kiktene”, ti jiakai, ini'i juya intok enchim a' teuwaaka'po aman au ean.

LUUKAS 18:6

Junak intok ju'u yo'owe Jesukrijto inen jiiak: ―Inika'a junuen teuwaak ju'u ka tu'i yee ya'uraa bittuame.

LUUKAS 19:8

Junak ju'u Sakeeo, kikteka intok ju'u yo'owe Jesukrijtotau: ―A' bitnee achai. Si'imeta juka' tu'ik in jipue'uta, nasuk'aman nee jume' jiokot jiapsammet nee a' na'ikimtene. Intok inepo jabeta bai ta'aaka, jita a' etbwarialatuko, junae betana, naikisi che'a bepa nee a' nottane ―ti au jiiak.

LUUKAS 22:61

Junak intok ju'u yo'owe Jesukrijto au bicha kuakteka junama'a Peotat remtek. Ju'u Peeo intok, ju'u yo'owe Jesukrijtota au teuwaala'u wawaatek: “I'an empo, totoi o'owiata kee kuseo, bajisi empo ka nee emo ta'a'ati jiulatune”, ti au a' jiaka'ubewi.

LUUKAS 24:3

Intok junama wajiwa bempo kiimuk. Taa juka' yo'owe Jesukrijtota a' takaawata ka ama a' teak.

LUUKAS 24:34

Inime'e nau aneme intok: ―Lutu'uriapo jiabijtek ju'u yo'owe Jesukrijto. Ju'u Simoo' teame intok a' bichak ―ti ameu jiiak.

LUUKAS 7:12

Junaman jeela yebissusekai, mukiata ma'aboka weiyaawamta bichak. Ini'i, wepu'ulaika jiba, a' malawa jokoptuita yoemiakan. Junama ili bwe'u jo'arapo, juebena yoemra junae jamuttamak kaaten.

LUUKAS 7:14

Junak ju'u Jesus au rukteka intok ju'u jitat ama a' weiyaawa'ut mamtek. Jume' a' weiyaa'um sep japtek. Intok ju'u Jesus ju'u mukiatau: ―Ju'ubwa yo'otume, ineponee eu junen jiia, yejte'e ―ti au jiiak.

LUUKAS 7:19

intok inime'e, Jesujtau am bittuak junuen bempo'im, lutu'uriapo aapo'ik ju'u Krijto yebijneemetuka'po oo ta'abwik bem bo'o bitne'po betana bem au nattemaine' betchi'bo.

LUUKAS 8:52

Si'ime ae betchi'bo ka alleaka intok bwaanan. Taa Jesus: ―Kat em bwaana. Ka mukia ju'u usi jamut, koche ala ―ti ameu jiiak.

JOAN 11:2

Ini'i Maria' teame, ju'u ko'okoemta Laasaro' teamta jamut waai, aapo juna'atukan, ju'u, yo'owe Jesukrijtota wokimmet juka' ochokok win jubakamta amet to'oka intok a' choniwammea am wachakame.

JOAN 11:3

Inien san inime'e woika nau wewerika, Jesujtau nokta bittuak: ―Itom yo'owa, ju'u em aamak tu'ika, em ta'aa'u, tu'isi ko'okoe ―ti jiakai.

JOAN 20:13

Inime'e ankelesim intok aapo'iku: ―Jamut, jaisaaka empo bwaana ―ti au nattemaek. Aapo inimmeu: ―Juka' in yo'owata a' nuk saka'awaka' betchi'bo. Nee intok ka ju'unea jakun a' tojiwaka'ut ―ti ameu jiiak.

JOAN 20:15

Junak ju'u Jesus: ―Jamut, jaisaakai empo bwaana. Jabetasa empo jaiwa ―ti au nattemaek. Aapo, juka' junama'a juya etrita suuamta ama ane'eti eaka: ―Japchi, empo a' nuk simlatuko, nee tejwaa jakun em a' tojaka'po, in aman a' nu'une' betchi'bo ―ti au jiiak.

JOAN 4:1

Jume' paiseeom junak, juka' Jesujta, ju'u Joanta bepa che'a juni'i juebenam aamak eame ane'epo intok che'a yu'in aapo'ik am bato'owaa'uta a' ju'uneiyaak.

JOAN 6:23

Taa chukula junuen su wate bwere kuta kanoam, bwe'u jo'ara Tibeeria' tea'a betana ama yajak, junama'a yo'owe Jesukrijtota jume' paanim betchi'bo Liojta baisaeka bem am bwa'aka'anaapo.

1 KORINTIOM 7:30

Intok siok maisi eewamta emot ayuka'ateko juni'i, ka siokamcha emo eetuane. Intok enchim allea'u, enchim jiapsipo jiba a' ju'uneiyaane. Intok jume'e, jita jinuri, che'a tu'isi kia, ka tua bempo'im betchi'bo bem a' jipue'e benasi eene.

1 TESALONISENSEM 4:13

Krijtopo itomak werim, wame'e Krijtota sualeka kokkokame chukula juka' ameu yeu weama'u betana, inika'a tee enchim ju'uneiyaa i'a, junuen ka enchim siok'eene' betchi'bo, wame'e waatem, ka Krijtota sualeme ane'e benasia. Inime'e, chukula bem bitnee'ut ka ju'uneiyaame.

EBREEOM 2:17

Taa intok junueni, utte'atukan, inim, juka' yoemrata, bem jiapsa'a benasia si'imeku junaen aapo'ik ya'atune'po. Junuen aapo'ik, jiba betchi'bo intok yee nak jiokoleka, Liojta bichapo, si'imemmeu a' yo'otune' betchi'bo. Intok junuen, aapo'ik jiokot au a' bichaka'ue, yoemrata betana juka' ka tu'ik a' ya'ari betana a' jinne'u betchi'bo.

EBREEOM 4:15

Bwe'ituk ju'u, Liojta bichapo, si'imem bepa itou yo'o ya'ari, bettesi itou ayukamtat, ka itom au yuma'ut, itom jiokoleka, a itom ania. Bwe'ituk aapo, jiba ito benasi, si'imeku ji'obilaatuk. Taa juka' ka tu'ik, jakwoo juni'i ka yaakai.