LUUKAS 5:24 - Yaqui

²⁴ Tu'i, junuen san enchim ne a' ju'uneiyaa i'a juka' inim emo benasi yoemta, inim bwiapo junuen jume' ka tu'uwa ya'arim, yetet a' jiokoinee'ut, yo'o'utte'ata aet ayuka'po. Junako aapo, ju'u ka au yekamtau: ―Eu ne nooka. Yejteka em jipetekta nu'uka intok em jo'au weene ―ti au jiiak.

LUUKAS 5:24 ပူးပေါင်းရင်းမြစ်များ

MATEEO 16:13

Junak ju'u Jesus, bwiaraa Sesarea piliipo' tea'u yepsakai, aapo jume' a' majtimmeu: ―Ju'u yoemra, inia inim yoemtat nokaka, a' jabesa'ati jiia ―ti ameu nattemaek.

MATEEO 25:31

’Juka' inim yoemta, che'a si'imem bepa yo'otaka junaen a'abo a' notteo, ini'i, si'ime jume' a' ankelesiwam ae konila jap sakakai, aapo jum che'a yo'orisi machika, yo'owem jojoye'po yejtene.

MATEEO 26:64

Ju'u Jesus iniau: ―Inepo ne juna'a em a' teuwaari benasi ―ti au jiiak―. Intok ket ne inen emou jiia, juka' emo benasi yoemta, Lios, si'ime utte'akamta, a' batatana betana kateka intok inika'a, teeka betana namupo ko'om weyemta, eme'e a' bitne ―ti au jiiak.

MATEEO 28:18

Junak intok ju'u Jesus ameu rukteka intok inimmeu: ―Teekau intok kia inim bwiapo juni'i, si'imekuu che'a in yo'otunee'uta, inepo ne i'an a' mabetri ―ti ameu jiiak―.

MATEEO 4:24

Bwiaraa Siiria' tea'po si'imeku ju'uneiyaawak ju'u Jesus. Intok si'ime jume' ka nanau maisi jiokot emo bichame au tojiwak. Ko'okoeme intok jak wanteme. Intok jume' bebeje'erita betana jiokot emo bichame, intok jume' kobapo ko'okoeka wat watteme. Intok jume' ka emo taka yekame. Jesus intok, inime'e emo ine'etetuak.

MATEEO 9:6

Junuen san enchim ne a' ju'uneiyaa i'a, juka' inim emo benasi yoemta, inim bwiapo junuen jume' ka tu'uwa ya'arim, yetet a' jiokoinee'u au a' lutu'uriatuka'po ―ti jiiak. Junak intok aapo, ju'u ka au yekamtau: ―Yejte'e, em jipetekta nu'uka intok em jo'au weene ―ti au jiiak.

LUUKAS 5:13

Junak intok Jesus, inika'a, aet mamteka: ―Jana'aka, junuentune. Sep tu'ika tawane ―ti au jiiak. Aapo'ik inika'a teuwaako, ju'u lepra' teame ko'okoa iniat kaitatuk.

LUUKAS 5:18

Intok waate o'owim junama yajak, seenuk, ka au taka yekamta, tapejtim benaku a' weiyaakai. Intok inime'e, inika'a kariu Jesujta ane'u a' nuk kimubaen.

LUUKAS 5:23

Bwe'ituk jitasa che'a ka obiachi a' chupnee'u: “Em ka tu'uwa ya'arimmet empo jiokoiri”, oo: “Empo, yejteka intok weene”, ti in au teuwaanee'u ―ti ameu jiiak―.

LUUKAS 7:14

Junak ju'u Jesus au rukteka intok ju'u jitat ama a' weiyaawa'ut mamtek. Jume' a' weiyaa'um sep japtek. Intok ju'u Jesus ju'u mukiatau: ―Ju'ubwa yo'otume, ineponee eu junen jiia, yejte'e ―ti au jiiak.

LUUKAS 8:54

Junak intok Jesus, mampo a' bwisek intok kusisi nokaka: ―Empo uusi, yejte'e ―ti au jiiak.

JOAN 11:43

Chukula, inika'a teuwaasuka, kusisi nokaka: ―Laasaro, junum a'abo yeu weye ―ti jiiak.

JOAN 17:2

Bwe'ituk jiba empo, juka' em yoemiata, si'ime yoemra inim jiapsame bepa a' nesaunee'u, utte'ata aet autualaa, junuen si'ime jume' au bicha em yeu pu'aka'um, jiba yuu jiapsiwamta aapo'ik am bittuane' betchi'bo.

JOAN 3:13

’Inim tua kee jabe teekau Liojtau yepsa. Ala wa'a juna'abo teeka betana yepsakame jiba. Ini'i, ju'u inim emo benasi yoeme, ju'u teekau joome.

JOAN 5:27

Intok ketchia aapo'ik yee a' ya'uraa bittuane' betchi'bo, si'ime lutu'uriata aet autuari, junuen aapo'ik inim bwiapo a' yoemtuka' betchi'bo.

KRIJTOTA YEU PU'ARIM YA'ARI 14:10

Junako ju'u Paplo, junau, kusisi nokaka: ―Em wokimmet tu'isi lutula kikte ―ti au jiiak. Junak intok aapo, junama tu'isi kikteka intok sep weam taitek.

KRIJTOTA YEU PU'ARIM YA'ARI 5:31

Ju'u Lios intok, aapo'ik, aamak yo'otaka a' annee'uta intok si'imeku a' yo'o ya'arika intok yee a' jinne'une' betchi'bo, yeu a' pu'ari, junuen inim juka' Ijra'el yoemrata, ka tu'ik betana au a' temaeka intok bem ka tu'uwa ya'arimmet junuen am jiokoitune' betchi'bo.

KRIJTOTA YEU PU'ARIM YA'ARI 9:34

Junak intok Peeo iniau: ―Empo Eneas, yo'owe Jesukrijto enchi tu'utene. Yejte'e, juka' em jipetekta a' tu'ute'e ―ti au jiiak. Ju'u Eneaj teame intok sep yejtek.

KRIJTOTA YEU PU'ARIM YA'ARI 9:40

Taa ju'u Peeo, junako, si'ime jume' ama aneme yeu kat saek. Intok tonommea kikteka, Liojtau bicha nookak. Junak intok junama'a ju'u mukiatau kuaktaka: ―Tabiita, yejte'e ―ti au jiiak. Junako aapo remtek. Intok junama'a Peota bichakai, yejtek.

APOKALIPSIS 1:13

Juname'e woo busan kanteelam ama jaja'abwawa'um nasuku intok, senuk, inim yoemta benak ne bichak. Wokimmeu ko'om tajtia, tebem supekamta, intok tawiu jikat, wikosa, sawai tomie ya'arikue au suma'ik ne bichak.