LUUKAS 5:22 - Yaqui

²² Taa Jesus, inime'e ju'u bem emo eetua'ut witti ju'uneaka intok: ―Jaisaaka eme'e junuen emo eetua ―ti ameu jiiak―.

LUUKAS 5:22 ပူးပေါင်းရင်းမြစ်များ

MATEEO 12:15

Junak ju'u Jesus, inika'a ju'uneiyaaka, junama'a yeu siika. Ju'u intoko yoemra bu'uuka aamak yeu sajak. Ju'u Jesus intok si'ime jume' ko'okoeme emo am ine'etetuak.

MATEEO 12:25

Inimmet ju'u Jesus ju'unean bem jachin emo eetua'po intok: ―Jita yoemrapo juni'i, junammeu ju'u che'a yo'oraa na'ikimteko intok inime'e nau nassuakai, inime'e emo lu'utane. Intok kia senu bwe'u jo'arapo oo jo'apo jume' nau wewerim, inime'e nattepola, ka nau ea'ateko, inime'e ka a binwa nau jiapsine.

MATEEO 9:4

Taa ju'u Jesus, inime'e, ju'u bem emo eetua'uta amet ju'uneakai: ―Jaisaaka eme'e junuen tua ka tu'isi ea ―ti ameu jiiak―.

MAEKOS 8:17

Junak intok ju'u Jesus amet ju'uneaka, inen ameu jiiak: ―Jaisaaka eme'e, paanim ka weeya' betchi'bo eme'e nok saka. Jaisa eme'e kaitat mammateka, intok kaitat ju'unea ja'ani. Oo enchim jiapsim namakasi aula ja'ani ―ti am temaek―.

LUUKAS 24:38

Taa ju'u Jesus inimmeu: ―Jaisaakai eme'e womtilaa. Jaisa betchi'bo eme'e inia betana ka inien a' lutu'uria'ati ea ―ti ameu jiiak―.

LUUKAS 5:21

Junak jume' Moiseejta nesaurim yee majtame intok jume' paiseeom teame, inime'e: “Jabetaka sa ini'i, a' nokie Liojta beje'eka, ka tu'ik teuwaame. Kaabe intok ka tu'uwa ya'arimmet a yee jiokoe, aapo Lios jiba”, ti bempo ee japtek.

LUUKAS 5:23

Bwe'ituk jitasa che'a ka obiachi a' chupnee'u: “Em ka tu'uwa ya'arimmet empo jiokoiri”, oo: “Empo, yejteka intok weene”, ti in au teuwaanee'u ―ti ameu jiiak―.

KRIJTOTA YEU PU'ARIM YA'ARI 5:3

Junak ju'u Peeo iniau: ―Empo Ananias, jaisaaka empo juka' bebeje'erita inien Liojta betana tu'u jiapsita em a' bai tatta'aabaane' betchi'bo inien enchi a' eetuane' betchi'bo au emo su'u tojak intok juka' tomita, bwiata betchi'bo em makwaka'uta junuen ka yuma'ik a'abo tojaka, taa wateku mak tawakai ―ti au jiiak―.

EBREEOM 4:12

Bwe'ituk ju'u Liojta nok lutu'uriawa, ini'i, jiapsiwamta intok si'imeku yumaka, utte'ak. Intok senu tebe kuchi'im nau bicha bwawiakame benaka, ini'i, senukut a' jiapsiu yumaka, tua a' ea'uta yeu a' machia intok jachin a' yoem tuka'po a' ju'uneetua. Intok senuk aet au a' temaeka a' joobae'ut a' ju'uneiyaa tebo.

APOKALIPSIS 2:23

Intok jume'e, junae jamutta yeu pu'arim ne am su'ane. Intok junuen si'ime jume' Krijtota sualeme a' ju'uneiyaane, eerita yuma'isia in a' ju'uneiyaa'po, intok juka' jiapsita juni'i. Enchim intoko we'epulaim ne, emou a' lutu'uriatuka'po aman, a' na'ikiane.