LUUKAS 20:25 - Yaqui

²⁵ Junak intok aapo: ―Junuen san eme'e, ju'u inim si'imem bepa che'a yo'o ya'ariu bicha weyemta, au bicha a' na'ikiane. Intok Liojtau bicha weyemta ket eme'e, Liojtau bicha a' na'ikiane ―ti ameu jiiak.

LUUKAS 20:25 ပူးပေါင်းရင်းမြစ်များ

MATEEO 17:27

Taa junuen, kaabeta ka alleetuabaekai, jum bau ba'au sikaa, jume' kuchum ammea yeu wiikwame ba'au jimmaane, intok juka' bat ama cha'atukamta yeu wikne. Junae tenpo empo tosai tomita, tua au yuma'ik teune. Juna'a, in beje'etua'ea'uta intok em aman toji'ea'uta, junae aman am beje'etuane ―ti au jiiak.

MATEEO 22:21

Bempo: ―Jiba ju'u Romapo, si'imem bepa yo'o ya'ari, Sesar teame ―ti a' yoopnak. Junak ju'u Jesus inen ameu jiiak: ―Junuen san eme'e, ju'u inim che'a yo'otau bicha weyemta au a' na'ikiane. Liojtau bicha weyemta intok eme'e, Liojtau bicha a' na'ikiane ―ti ameu jiiak.

MAEKOS 12:17

Junak intok ju'u Jesus inen ameu jiiak: ―Si'imeta waka'a Sesar teamtau bicha au a' lutu'uriaka'uta, ake'em a' maka'em ―tiia―. Intok si'imeta waka'a Liojtau bicha au a' lutu'uriaka'uta, ake'em a' maka'em ―tiia. Intok junuen ameu a' jiaka' betchi'bo, tu'isim a' suum'eeyak.

LUUKAS 20:24

Eme'e juka' tosai tomita, senuk nee bittuane. Jabesa inika'a pujbak intok jume' team iniat ji'ojteim ―ti jiiak. Bempo intok: ―Ju'u si'imem bepa che'a yo'o ya'ari, Sesar teamta betana ―ti au jiiak.

KRIJTOTA YEU PU'ARIM YA'ARI 5:29

Junako ju'u Peeo intok jume' wate Krijtota yeu pu'arim iniau: ―Itou utte'a, emo bepat, Liojta bat itom nok jikkajinee'uta.

1 KORINTIOM 10:31

Inen na'a yoopnanee junaka'a: Junuen san, tu'inee ji'ibwa'ateko oo jita juni'i enchim weetua'uta, Liojta yo'oreka intok au waateka a' joone'eteko.

1 PEEO 4:11

Senu nokbae'eteko, Liojta nok lutu'uriapo a' ji'ojteituka'po aman etejone. Senu intok jita'po juni'i yee ania'ateko, Liojta betana a' aniawa'po aman a' joone. Si'ime ju'u enchim joa'u, achai Liojta yo'orina' betchi'bo weene, Jesukrijtota, enchim a' ya'ariaka'u betchi'bo. Aapo'iku intok lutu'uria a' yo'orinaa'u, intok yo'otaka a' nesaunee'u jiba yuu wasuktiammeu tajtia. Tua junuentune.