LUUKAS 20:24 - Yaqui

²⁴ Eme'e juka' tosai tomita, senuk nee bittuane. Jabesa inika'a pujbak intok jume' team iniat ji'ojteim ―ti jiiak. Bempo intok: ―Ju'u si'imem bepa che'a yo'o ya'ari, Sesar teamta betana ―ti au jiiak.

LUUKAS 20:24 ပူးပေါင်းရင်းမြစ်များ

MATEEO 18:28

Taa ini'i tekokame, jiokoliwakame, junama'a yeu sikaa, seenuk aamak tekokamta teak. Inika'a ka jaikik a' wikiriamta. Junaka'a kuta naat a' bwiseka, a' jiabij meme'aaka: “Juka' em nee wikiria'uta sep nee beje'etua”, ti au jiiak.

MATEEO 20:2

Ini'i, inime'e tekipanoareeom, senu taka tosai tomim taewapo am beje'etuarokaka, junuen ameu nookak. Intok inime'e junen eako, tekipanoa betchi'bo a' wasau am bittuak.

MATEEO 22:20

Inika'a bichakai, ju'u Jesus inimmeu: ―Jabesa inika'a pujbak intok jume' team iniat ji'ojtei ―ti ameu nattemaek.

MAEKOS 12:16

Junak intok, bempo junaka'a tomita au tojak, aapo intok: ―Ini'i pujba ―tiia―, intok inime'e team, tomit katekame, jabesa juna'a ―ti am temaek. Bempo intok: ―Ini'i juna'a, ju'u yo'o ya'ari Sesar teamta pujbawa, intok a' teawam ―tim a' yoopnak.

LUUKAS 2:1

Jiba juname'e taewaimmet, jum Romapo, ju'u che'a yo'o ya'ari Aukuujto' teame nesawek, junama'a yoemrata ju'uneiyaa betchi'bo, kaabeta be'eka a' ji'ojte tebok.

LUUKAS 20:22

Itom tejwaane, jaisa tu'inee ja'ani, ju'u jum Romapo si'imem bepa yo'o ya'aritau bicha tomita weyemta a' beje'etua'po, oo ka tu'i ja'ani ―ti au nattemaek.

LUUKAS 20:23

Taa ju'u Jesus inimmet ju'une'eak, ka tu'ik au bicha bem ea'po intok inen ameu jiiak: ―Jaisaaka eme'e inile benakue nee ji'optuabae ―ti ameu jiiak―.

LUUKAS 20:25

Junak intok aapo: ―Junuen san eme'e, ju'u inim si'imem bepa che'a yo'o ya'ariu bicha weyemta, au bicha a' na'ikiane. Intok Liojtau bicha weyemta ket eme'e, Liojtau bicha a' na'ikiane ―ti ameu jiiak.

LUUKAS 23:2

Junama'a intok inime'e sep su a' na'atejo japtek inen jiakai: ―Itepo, tee inika'a o'outa inim itomak yoemrata, ka yanti a' eltuamta te a' ju'uneiyaa. Juka' tomita jum bwe'u jo'ara Romapo, ju'u che'a yo'o ya'aritau bicha weyemta, ka itom a' bejje'etuane'e ti jiia. Intok ketchia, aapo au ju'u che'a yo'o ya'ari a' Krijtotuka'u a' teuwaa ―ti jiakai.

LUUKAS 3:1

Junakriapo juka' Tibeerio' teamta junama che'a si'imem bepa yo'o nesawekai, woj mamni ama mamni wasuktiam a' weiyaao, ju'u Ponsio Pilaato' teame bwiaraa Jurea' tea'po kobanaao tukan. Ju'u Eroorej teame intok bwiaraa Kalilea' tea'po kobanaao tukan. Ju'u a' sailaawa Jeriipe' teame intok, bwiaraa Iturea' tea'po intok Trakooniitij tea'po kobanaao tukan. Ju'u Lisaniaj teame, bwiaraa Abileenia' tea'po kobanao tukan.

KRIJTOTA YEU PU'ARIM YA'ARI 11:28

Inime'e betana seenu, Aakapo' teakai, ini'i, jume' Krijtota sualeme nasuk kikteka intok Liojta tu'u jiapsi betana aniawaka a' ju'uneetuawakai, junama'a bwiaraapo si'imekut tua tebaatunee'uta a' teuwaak. Ini'i weeme, Kaaurio' teamta junama'a aapo'ik che'a yo'o ya'atuko taewaimmet tua junuen chupuk.

KRIJTOTA YEU PU'ARIM YA'ARI 26:32

Ju'u Akriipa' teame, ju'u kobanao Peejto' teamtau: ―Ini'i o'ou, a' su'u tojina' betchi'bo jaibu aet nesausu'eewan, aapo'ik ka junuen ju'u romaanom bwiaarapo che'a yo'o ya'ata betana a' ya'uraa bittuanaa'uta, ka jiba aapo'ik a' a'aulatuko ―ti au jiiak.

PILIPENSEM 4:22

Inim bwe'u jo'arapo, si'ime jume' wate Krijtota sual ta'aame, intok che'a bat nokaka, jume' inim bwe'u jo'ara Roma' tea'po, ju'u che'a yo'o ya'arita Sesar teamta jo'aapo jo'aakame, inime'e enchim tebotua.