LUUKAS 17:14 - Yaqui

¹⁴ Jesus inime'e bichakai: ―Aman jume' te'opopo yo'owemmeu yajaka emo ju'uneiyaa tebone ―ti ameu jiiak. Inime'e intok junam bicha ket kateka su, ju'u bem ko'okoa betana tu'ireak.

LUUKAS 17:14 ပူးပေါင်းရင်းမြစ်များ

MATEEO 3:15

Taa ju'u Jesus: ―Taa inien aune. Bwe'ituk utte'a, si'imeta juka' achai Liojta tu'uree'uta, itom a' chupa'ane'po ―ti au jiiak. Junak san ju'u Joan aamak eak.

LUUKAS 5:14

Junako ju'u Jesus inia betana aet nesawek inika'a kaabetau a' teuwaasaekai: ―Ala sikaa, intok aman ju'u te'opopo tekiakamtau noitinee jiba. Intok em tu'ureaka' betchi'bo intok inia betana empo Liojta yo'ori betchi'bo, inien ko'okoeme aman toji'ea'uta aman tojine, juka' Moiseejtuka'uta a' nesaweka'a benasia, junuen si'imem ju'uneene' betchi'bo, em ko'okoa betana jaibu em tu'ireasuka'po ―ti au jiakai.

JOAN 11:10

Taa seenu, tukaapo weama'ateko juna'a ala a te'itine, tachiriata au a' be'e' betchi'bo.

JOAN 2:5

Taa ju'u Maria, jume' junama'a nesauta joammeu: ―Si'imeta juka' aapo'ik enchim aet tejwaa'uta, junaka'a eme'e a' joone ―ti ameu jiiak.

JOAN 9:7

Junak intok inen au jiiak: ―Aman jum ba'a maneka'u, emo baksiane, Siloe' tea'awi. Inime'e team: Aman Bittuari, ti jiubae. Ju'u ka bichame aman sikaa, au baksiak. Intok ini'i notteka jaibu bichan.