LUUKAS 12:28 - Yaqui

²⁸ Junuen, ju'u achai Lios juka' i'an wajpo juyata, juka' chukula wakeka taya'atunemta, junuen ujyoisi a' joakai, aapo che'a juni san enchim tajo'onee'uta emou autuane, eme'e kaita a suale'am.

LUUKAS 12:28 ပူးပေါင်းရင်းမြစ်များ

MATEEO 14:31

Junama'a sep ju'u Jesus, mampo a' bwiseka intok: ―Tua empo ka yuma'isi a Liojtat yoem ea. Jaisaaka empo ka net yoem eak ―ti au jiiak.

MATEEO 16:8

Ju'u Jesus amet ju'une'eaka intok: ―Jaisaaka eme'e paanim ka emo nu'upak ti jiia ―ti ameu jiiak―. Tua em ka yuma'isi Liojtat yoem ea ―ti ameu jiiak―.

MATEEO 17:17

Ju'u Jesus inen a' yoopnak: ―Ou, eme'e, kaita sualeka intok tua ka tu'i yoemra. Jakwoo tajtiasa tua nee inien enchim bitne. Jakwoo tajtiasa tua ne jiokot emomak anne. Juka' usita em a'abo neu toja ―ti jiiakai.

MATEEO 17:20

Ju'u Jesus inimmeu inen jiiak: ―Bwe'ituk eme'esu tua ka a Liojtat yoem ea. Tua lutu'uriapo ne inen jiia, eme'e, kia ju'u mojtaasa bachiata belleekik juni'i, Liojtat a enchim yoem ea'u emot ayuko, inia kawiu eme'e: “Inim yeu sikaa, omot yejtene”, ti au jiu ean. Ini'i kawi intok omot bicha weene. Junuen eme'e lutu'uriapo Liojtat a yoem ea'ateko, kaita emo betchi'bo obiachine.

MATEEO 6:30

Ju'u achai Lios intok, juka' juyata i'an wajpo ayukamta junuen ujyoisi a' joakai, juka' chukula tajiu wo'otanamta, enchim che'a juni san aapo aniane, kaita a suale'am.

MATEEO 8:26

Aapo intok: ―Jaisaaka eme'e unnaa majjae. Eme'e tua ka yuma'isi Liojtat a yoem'ea ―ti ameu jiiak. Junak intok, yejteka, jekatau intok bawetau nonokak. Junak intok si'ime yanti taawak.

LUUKAS 8:25

Junak intok aapo a' majtimmeu: ―Jaksa ju'u enchim a nee suale'u ―ti ameu jiiak. Taa bempo, womtilamtaka suum ean. Intok naas nau nattemaen: ―Jabesa taka tua ini'i, jekata intok juka' ba'ata a au nooka. Ini'i intok a' teuwaa'po aman aane.

EBREEOM 6:7

Maa su, inime'e ket, jiba bwiata, chikti wee'po aet yuke'e benasia maachi. Juna'a bwia intok, jume' a' tekipanoammeu tu'ik ama am chupao, juna'a bwia, Liojta betana aniawaka utte'ata bittuawa.

1 PEEO 1:24

Bwe'ituk jum Liojta nok lutu'uriapo inen ji'ojtei: Si'ime ju'u inim yoemra, juyata benasi maachi. Ju'u intok bem ujyoria'u, juya sewata benasi maachi. Ju'u juya mukne, ju'u sewa intok wakne.