LUUKAS 10:27 - Yaqui

²⁷ Ju'u Moiseejtuka'uta nesaurim yee majtame inen a' yoopnak: ―“Juka' em yo'owa Liojta, ka jiapsita bepa a' nak yo'orine, intok ket tua em tu'u eeriae intok alleaka em jiapsa'ue intok em a jita mammate'ue a' nak yo'orine. Intok empo, juka' ele benasi inim yoemta, em emo eiya'a benasia a' naknee” ―ti au jiakai.

LUUKAS 10:27 ပူးပေါင်းရင်းမြစ်များ

MATEEO 19:19

Juka' em achaita intok juka' em aewata, am yo'orine. Intok empo juka' ele benasi yoemta, em emo eiya'a benasia a' nakne ―ti au jiiak.

LUUKAS 10:26

Jesus inen a' yoopnak: ―Jum Moiseejta nesauri ji'ojteimpo jaisa ji'ojtei ―ti jiakai.

ROMAANOM 13:9

Bwe'ituk jume' nesaurim inen ji'ojtei: “Jamutta, ka a' jubeka, ka aamak emo tu'urine. Intok ka yee sussu'ane. Ka jita etbwabaane. Intok ka lutu'uriae, kaabeta nana'atejone. Juka' ka em atteata, ka waatabaane.” Taa inime'e nesaurim, intok si'ime jume' waate, inen weyemtae chupe: “Em emo nake'e benasia, juka' ele benasi yoemta junuen a' nakne”, ti jiamtae.

KAALATAM 5:13

Bwe'ituk, Krijtopo nemak werim, eme'e Krijtota betana yeu pu'atuk, ka naa buusti, utte'apo tetekokame benasi jume' nesauri ji'ojteimpo weyemta enchim joaka jiapsi betchi'bo. Taa ala, eme'e, ka junuen iniat jia'awiteka, wepulsi juka' ka tu'ik enchim tu'uree'uta a' joone' betchi'bo. Inien tu'eaka su ala, eme'e, yee nak ta'aaka jiapsakai, si'imeku naas emo aniaka jiapsine.

EBREEOM 8:10

Ju'u bemela lutu'uria, ju'u Ijra'eel yoemratamak in ya'anee'u, Juname'e taewaimmet chukula, inen machine, ti jiia ju'u achai Lios. Juka' in nesaurita, bempo'im a' koba suawa'une' betchi'bo ne am aniane. Intok ket jiba bem aet jiapsine' betchi'bo, ne am aniane. Intok bempo nee betana yoemratune. Nee intok junak, ameu Liojtune.

SANTIAAKO 2:8

Taa eme'e tua lutu'uriapo Liojta betana nesaurita joa'ateko, si'imem bepa eiyaawatchisi machik, Liojta nok lutu'uriapo a' ji'ojteituka'po amani inen jiamta: “Ele benasi yoemta, em emo nake'e benasi a' eiyaaka a' nakne”, ti jiamta junak eme'e tu'isi annee.

1 JOAN 3:18

In nake'um, ju'u itom yee naknee'uta, ka ju'u senuk teuwaa'ue lutu'uriatune. Ala, lutu'uriapo itom yee naknee'u, itom joa'ue ju'uneiyaanaa.