JOAN 7:18 - Yaqui

¹⁸ Ju'u aapo a' ea'po jiba jita nokame, ini'i, yoemrata a' eiyaaka a' yo'ori i'aka junuen noknee. Taa wa'a, juka' a'abo a' bittuakamta a' eiyaawaka a' yo'ori i'aka junuen nokame, ini'i tua lutu'uriata jiba noknee. Intok yee a' bai ta'aanee'u iniat kaita aune.

JOAN 7:18 ပူးပေါင်းရင်းမြစ်များ

MATEEO 6:9

Junuen san eme'e, Liojtau bicha inen emo nokrianee: Itom achai Lios, teekau katekame. Em yo'orinaa'uta eu lutu'uriatune.

JOAN 11:4

Ju'u Jesus inika'a ju'uneiyaakai: ―Ini'i ko'okoa, ka aapo'ik a' mukne' betchi'bo weye. Ala ini'i, juka' achai Liojta tua si'imeku a' eiyaawachiaka'uta a' bitna' betchi'bo. Intok ketchia, inia ko'okoata betchi'bo, juka' Liojta usiwaita, si'imeku a' eiyaawachiaka'uta a' bitna' betchi'bo ―ti jiiak.

JOAN 12:28

In yo'owa, tua i'an bepa yuma'isi eiyaawatchisi yo'orisi em machiaka'uta a' ju'uneiyaatuane ―ti jiiak. Junako, teeka betana jiawai jikkajituk: ―Jaibu nee tua bepa yuma'isi eiyaawatchisia yo'orisi in machiaka'uta nee yeu a' ju'uneiyaatualaa. Intok ne juchi wee'po, junuen ino ju'uneiyaa tebone ―ti jiakai.

JOAN 12:43

Inime'e junuen, yoemrata betana yo'oriwaka bem eiyaanaa'uta che'a juni'i bem a' tu'ure betchi'bo, Liojta betana tu'isi aet bem bitnaa'u bepa.

JOAN 5:41

’Inepo nee inim tua jabeta betana juni'i, juka' yo'orisi weyeka net nokwamta kannee a' waata.

JOAN 8:54

Junak ju'u Jesus: ―Ineponee yo'orisi in eiyaanaa'uta nee betana a' waatakai, junak ju'u yo'orisi in eiyaanaa'u, kaita betchi'bo tune. Taa ju'u nee yo'ori tebome, ju'u in yo'owa juna'a, jiba ju'u, nokaka, Lioj ti enchim teuwaa'u ―ti am yoopnak―.

1 TESALONISENSEM 2:6

Itepo jakwoo juni'i, inim watem betana yo'oriwaka itom eiyaanaa'uta tee ka a' jaiwa. Kia emo betana intok kia watem betana juni'i. Junuen itepo, Krijtota betana itom naas bittuarim tuka' betchi'bo au lutu'uriaka, jita'apo enchim a itot tekipanoanee'u juni'i.

1 PEEO 4:11

Senu nokbae'eteko, Liojta nok lutu'uriapo a' ji'ojteituka'po aman etejone. Senu intok jita'po juni'i yee ania'ateko, Liojta betana a' aniawa'po aman a' joone. Si'ime ju'u enchim joa'u, achai Liojta yo'orina' betchi'bo weene, Jesukrijtota, enchim a' ya'ariaka'u betchi'bo. Aapo'iku intok lutu'uria a' yo'orinaa'u, intok yo'otaka a' nesaunee'u jiba yuu wasuktiammeu tajtia. Tua junuentune.

1 JOAN 2:29

Eme'e su intok jaibu ju'uneakai, Jesukrijtota, si'imeku lutu'uriakamta a' joa'apo, ket eme'e ju'uneene, si'imem wame'e tu'ik bo'o jooriame, Liojta betana am yoemiamtuka'po.