JOAN 6:52 - Yaqui

⁵² Junak jume' juriom inime'e bempo chuubaa junaet nau etejok: ―Jaisa ini'i aapo a' taka itom a' bwa'atuaneekai tua ―ti jiakai.

JOAN 6:52 ပူးပေါင်းရင်းမြစ်များ

JOAN 1:19

Jume' juriom jum bwe'u jo'ara Jerusalen tea'po jo'aakame, inime'e, wate te'opopo tekiakame intok waate, inime'e te'opopo bem joa'ut am aniame, Lebiitam teame, ju'u Joan teamtau am bittuak, junuen aapo'ik a' jabetuka'ut bem au nattemaine' betchi'bo.

JOAN 10:19

Jume' juriom junak inika'a a' teuwaaka'uta a' jikkajakai, bempo'im nasuk juchi ka nau eewame ayukan.

JOAN 3:4

Ju'u Nikoreemo' teame aapo'iku: ―Taa jaisa tua inien ju'u o'ou, yo'otaka a juchi yeu yoemtune. Jaisa ini'i juchi a' malabeu a notteka intok junuen juchi bemelasi yeu yoemtunee ja'ani ―ti au nattemaek.

JOAN 3:9

Junak intok ju'u Nikoreemo: ―Jaisa tua ini'i inien tune ―ti juchi au nattemaek.

JOAN 4:11

Ju'u jamut intok: ―Japchi, kia jita juni'i, ba'am em ae yeu wiknee'uta, empo kaita jipue. Posom intok tua mekka ko'omi. Jaksa empo jume' ba'am yee jiapsituame nu'uka, nee am mikneekai ―ti au jiiak―.

JOAN 6:41

Junak jume' juriom Jesujtat nok japtek ju'u aapo'ik: “Ineponee juna'a, ju'u bwa'amta benaka teeka betana inim yepsakame”, ti a' jiaka'ue.

JOAN 6:60

Inika'a yee a' majta'uta jikkajaka, juebenaka jume' a' majtim betana: ―Ini'i aapo'ik teuwaa'u, tua obiachi aet ju'uneepo. Jabesa iniat a' sual machi ―ti nau jiiak.

JOAN 9:16

Junak jume' paiseeom betana waate: ―Ju'u inika'a yaakame, kaachin Liojta betana weene. Bwe'ituk ini'i, juka' aet yum jo'e taewaita ka a' yo'ore ―ti jiian. Taa wate intok: ―Jaisa tua aapo inika'a machilaata a' joone, junuen ini'i ka tu'i yoem tuko ―ti jiian. Inia betchi'bo san, bempo'im nasuk ka nau eewame ayukan.

KRIJTOTA YEU PU'ARIM YA'ARI 17:32

Junako, jume' ama nau aneme, inika'a kokkoarim nasuk jiabijtewamta betana teuwaawakamta a' jikkajakai, waate, jaana a' jiaawan. Wate intok: ―Inia betana te juchi wee'po ju'ubwa tee enchi itou a' nok i'a ―ti au jiiak.

1 KORINTIOM 2:14

Ju'u Krijtota betana tu'u jiapsita ka aet aneme, Liojta betana a' tu'u jiapsie ju'uneiyaawamta ka a aet jun'uneene. Bwe'ituk ini'i, aapo'ik betchi'bo, kaita suawata aet ayuka'a benasi maachi. Intok ka a amet ju'uneene. Bwe'ituk inien weyeme, Liojta tu'u jiapsi jiba, a yee aet ju'uneetua.