JOAN 20:16 - Yaqui

¹⁶ Ju'u Jesus junak: ―Maria ―ti au jiiak. Aapo ju'u Maria, au kuakteka intok a' ta'aaka, ebreeo nokpo: ―Rabboni ―ti au jiiak. Ini'i, yee majtame ti jiubae.

JOAN 20:16 ပူးပေါင်းရင်းမြစ်များ

MATEEO 14:27

Taa ju'u Jesus inimmeu nokaka: ―Kate'em jain ea, ineponee juna'a ju'u im aneme. Kate'em majjae ―ti ameu jiiak.

MAEKOS 10:51

Jesus intok inen au noktaitek: ―Jitasa empo nee enchi ya'aria i'a ―ti a' temaek. Juna'a yoem lipti intok: ―Achai ―tiia―. Juchi in bitne' betchi'bo, in pusim tu'ute'e ―ti au jiiak.

LUUKAS 10:41

Taa Jesus inen a' yoopnak: ―Maata, empo juebena weyemtat emo obisi eetua intok ka allea.

JOAN 1:38

Junak intok ju'u Jesus, amau bitchuka intok bempo'im aet cha'aka kateme bichakai: ―Jitasa eme'e jaiwa ―ti ameu jiiak. Bempo intok: ―Yee majtame, jakunsa empo jo'aak ―ti au jiiak.

JOAN 1:49

Junak ju'u Natana'el: ―Yee majtame, empo tua juna'a ju'u Liojta yoemia. Empo tua juna'a wa'a, inim Ijra'el yoemratau che'a yo'o ya'ari ―ti au jiiak.

JOAN 10:3

Inika'a, ju'u bwaram yeu rejte'epo jiba aneka a' suuame, a' kibakne' betchi'bo, pueetata a' etaporiane. Jume' intoko bwaram inika'a jiawai ta'aane. Ini'i, jume' bwaram bem teampo ameu chaaeka intok junama'a bem ja'abweka'po yeu am nuk sisime.

JOAN 11:28

Chukla inika'a teuwaasukai ju'u Maata, ju'u a' waaibeu Maria' teamtau chaaebaeka au siika intok junau: ―Ju'u yee majtame im aane intok eu chaae tebo ―ti jiaka, ka kusisi a' tejwaak.

JOAN 13:13

Eme'e, yee majtame intok itom yo'owa ti nee ta'aa. Intok tu'isi em jiia, bwe'ituk inien lutu'uria.

JOAN 20:28

Junak ju'u Toomas, aapo'iku: ―In yo'owa intok in achai Lios ―ti au jiiak.

JOAN 3:2

Ini'i Nikoreemo' teame, tukaapo Jesujta a' ane'epo au noitek intok inen au jiiak: ―Yee majtame, ju'uneate Liojta betana em itom majtane' betchi'bo a'abo em bittuarituka'po. Bwe'ituk kaabe machilaata a jita a' joa'uta a' jooa em a' joa'a benasia, Liojta ka aamak tuko ―ti au jiiak.

JOAN 5:2

Junama bwe'u jo'arapo, senu pueeta, Bwaram ama yeu rejte ti ta'eewa'u jeela, bau ba'am benam manek. Inime'e intok ebreo nokpo, Betejta' teakai. Ini'i ae konila, mamni bwereka mekka jikau, jitae ya'arim, jekkaam jipuen.

JOAN 6:25

Inime'e junuen, junae bwe'u bau ba'a waetana yajaka, juka' Jesujta ama teak, intok bempo: ―Yee majtame, jakwoosa empo inim yepsak ―ti au nattemaek.

KRIJTOTA YEU PU'ARIM YA'ARI 10:3

Junama'a sejtul ta'apo kupteo bicha, jumak bajim jia'apo, aapo Liojta betana jita bittuawak, junama'a aapo, Liojta betana ankelejta a' kateka'u, au kibakekamta machisi a' bichak. Juna'a intok: ―Korneelio ―ti au jiiak.

KRIJTOTA YEU PU'ARIM YA'ARI 9:4

Junako ini'i Saulo bwiau ko'om wechek. Intok junama'a, jiawaita: ―Saulo, Saulo, kat neu suua ―ti au jiamta jikkajak.