JOAN 18:33 - Yaqui

³³ Pilaato, jum bwe'u kariu wajiwa juchi aman kibakeka, Jesujtau chaai teboka intok: ―Jaisa empo juna'a ja'ani, ju'u, jurio yoemratau che'a yo'o ya'ari ―ti au nattemaek.

JOAN 18:33 ပူးပေါင်းရင်းမြစ်များ

MATEEO 27:11

Jesus, ju'u kobanaota bichapo yeu tojiwak. Ini'i intok: ―Jaisa empo juna'a ja'ani, ju'u, jume' juriommeu che'a yo'o ya'ari ―ti au nattemaekai. Ju'u Jesus iniau: ―Lutu'uria, junuen em a' teuwaari benasia ―ti au jiiak.

MATEEO 27:27

Chukula jume' kobanaaota betana sontaaom, kobanaaota bwe'u kariu wajiwa tana, sontaom ane'u a' tojak. Intok si'ime ju'u sontaoraa au nau tojiwak.

MAEKOS 15:2

Pilaato intok inen au nattemaek: ―Jaisa empo juna'a, ju'u juriommeu ju'u rei ―ti au jiakai. Jesus intok: ―Lutu'uria, em noka'u ―ti a' yoopnak.

LUUKAS 23:2

Junama'a intok inime'e sep su a' na'atejo japtek inen jiakai: ―Itepo, tee inika'a o'outa inim itomak yoemrata, ka yanti a' eltuamta te a' ju'uneiyaa. Juka' tomita jum bwe'u jo'ara Romapo, ju'u che'a yo'o ya'aritau bicha weyemta, ka itom a' bejje'etuane'e ti jiia. Intok ketchia, aapo au ju'u che'a yo'o ya'ari a' Krijtotuka'u a' teuwaa ―ti jiakai.

JOAN 1:49

Junak ju'u Natana'el: ―Yee majtame, empo tua juna'a ju'u Liojta yoemia. Empo tua juna'a wa'a, inim Ijra'el yoemratau che'a yo'o ya'ari ―ti au jiiak.

JOAN 12:13

Junako inime'e junama'a tako sawam chuktaka, intok Jesujta nanki betchi'bo yeu sajak. Intok inime'e: ―Yee jinne'ume. Yo'oriwaka tu'ikue teuwaanaa ju'u Liojta betana lutu'uriaka itou che'a yo'otaka a'abo weyeme ―ti jiian kusisia.

JOAN 12:15

Ka majjaunee eme'e, bwe'u jo'ara Sion tea'po joomem. A' ju'uneene, juka' inim emou che'a yo'o ya'arita, Ili buutat yej simeka a'abo emou a' weye'u, ti a' jia'a benasia.

JOAN 18:34

Jesus intok iniau: ―Inika'a inia betana nattemaekai, jaisa empo kia emo a' ju'uneiyaaka a' nattemae ja'ani, inika'a inim in che'a yo'o ya'ari tuka'u, oo watem betana a' jikkajilatakai ―ti au jiiak.

JOAN 18:37

Pilaato intok: ―Junak su, jaisa empo lutu'uriapo juna'a ja'ani, ju'u che'a yo'o ya'ari ―ti au nattemaek. Jesus inika'a: ―Ineponee juna'a ju'u che'a yo'o ya'ari, jiba em a' teuwa'a benasia. Ineponee inim yoemtuk, intok inepo juka' lutu'uriata ju'uneiyaa tebobaekai nee inim a'abo yepsak. Si'ime jume'e, juka' lutu'uriata bo'o jooriaka jiapsame, inime'e, juka' in teuwaa'uta a' jikkajine ―ti a' yoopnak.

JOAN 18:38

Ju'u Pilaato aapo'iku: ―Jitasa intok juna'a, ini'i lutu'uria ―ti au jiiak. Inien au nattemaisuka ju'u Pilaato juchi yeu siika, jume' juriommeu nokbaekai. Intok junammeu: ―Kaita ka tu'ik nee inia o'outat teu machi ―ti jiiak―.

JOAN 19:12

Jiba inim naatekai ju'u Pilaato, jatchin juni'i ayuka, Jesujta a' su'u tojibaeka ean. Taa jume' juriom: ―Inika'a empo yeu su'u tojako, juka' che'a yo'o ya'arita Sesar teamta, empo a' beje'eka annee. Inim jabetaka juni'i, aapo che'a si'imem bepa au yo'o joobaeme, ini'i juka' Sesar teamta, jum Romapo che'a yo'otaka katekamta a' beje'eka annee ―ti aet chaaek.

JOAN 19:3

Chukula inime'e, au rukteka: ―Ketchi allea, empo jurio yoemratau che'a yo'o ya'ari ―ti au jiiak. Intok inime'e, pujbat a' chonan.

JOAN 19:4

Junako ju'u Pilaato juchi yeu sika intok junammeu: ―Ake'em a' bicha. Inim ne yeu a' tojilaa junuen enchim ju'unee i'akai juka' ka tu'ik, kaita in aet tettea'po ―ti ameu jiiak.

JOAN 19:9

Aapo juchi wee'po junama bwe'u kariu bicha kibakeka intok aapo Jesujtau: ―Jakunsa empo joome ―ti au jiiak. Taa ju'u Jesus kaita a' yoopnak.

1 TIMOTEEO 6:13

I'an intoko, ju'u Lios, inim si'ime jiapsamta a' jiapsituamta bichapo intok ju'u Jesukrijto, aapo ket, wa'a Ponsio Pilaatotuka'uta bichapo, aapo'ik jabetuka'uta, witti nokaka au ta'aa tebokamta bichapo, nee enchi aet tejwaa,