JOAN 13:5 - Yaqui

⁵ Junak intok aapo, jum ama babajimawa'po, ba'am to'aaka intok aapo jume' a' majtim am wok baksia taitek. Intok jume' tajo'orim, wikojpo a' chaya'immea am wok wachakai.

JOAN 13:5 ပူးပေါင်းရင်းမြစ်များ

LUUKAS 7:38

Intok ini'i, Jesujta wokiu yejtek. Intok bwanaka, a' opoam Jesujta wokimmet ko'om weyekai. Chukula a' chonimmea a' wacha'ariakai. Intok amet tenteka, juka' ochokok win jubak amet to'aak.

LUUKAS 7:44

Junak ju'u Jesus juka' jamutta bitchuka, ju'u Simo' teamtau inen jiiak: ―Inia jamuttat mammatene. Inim em jo'apo nee yepsaka, empo intok ba'am in ammea wok baksianee'um ka neu tojak. Taa ini'i jamut a' opoammea in wokim baksiala intok a' chonimmea am wachakai.

JOAN 13:10

Taa ju'u Jesus iniau: ―Ju'u ju'ubwa u'uba'alame, aet chukula wokim a' baksianee'uta jiba au bi'ine. Bwe'ituk ini'i takaat si'imekut basulatakai. Eme'e jaibu Liojta mak emo tu'utelamtakai, senuk a' uba'alatuka'abebena. Taa ka si'imetakai o'oben.

JOAN 13:6

Aapo'ik juka' Simoo Peeo'o teamta a' wok baksiabaao, ini'i: ―Achai, jaisa empo nee wok baksiabae ja'ani ―ti au nattemaek.

JOAN 13:8

Taa ju'u Peeo: ―Nee ala, empo jakwoo juni'i ka nee wok baksiane ―ti au jiiak. Jesus intok: ―Ka nee enchi wok baksiako, empo ka intok nemak lutu'uriane ―ti a' yoopnak.

JOAN 19:34

Taa jume' sontaaom betana, seenu, aapo'ik tebe kuta sisi'iwookta bwawiakamtae, sana'ita betuk a' so'ak. Inim intok sep, ojbo ba'amak ama yeu siika.

KRIJTOTA YEU PU'ARIM YA'ARI 22:16

Ka intok bo'o bitnee beja. Jesukrijtota sualeka aet yoem eaka, junuen em ka tu'uwa ya'arimmet em jiokoitu betchi'bo, emo bato'owaa tebone”, ti neu jiiak.

1 KORINTIOM 6:11

Emo betana waate inien mamachiakan. Taa i'an juname'e jaibu junae ka tu'ik betana jiokoirimtaka, bemelasi, wepulsi Liojtat jiba jiapseka intok aapo'ik bichapo tu'isi mabetrim, yo'owe Jesukrijtota junuen enchim a' tu'u ya'ariaka' betchi'bo. Intok junaen, juka' Liojta tu'u jiapsitau su'u tojilamtakai.

EPEESIOM 5:26

Aapo inien aayuk, junuen, jume' a' sualeme, am jiokoituka, wepulsi Liojta betchi'bo am jiapsine' betchi'bo. A' nok lutu'uriae ka tu'ik betana, yuma'isi kaita amet ayuka'a benasi bem bittune' betchi'bo.

1 TIMOTEEO 5:10

Ini'i ta'eenaa inim juka' tu'ik bo'o jooriaka a' jiapsisuka'uta. Maa suko inile benak a' yoemiam tu'isi am yo'otuarialatuko. Wame'e mekka betana au yaajame, a' jo'awapo si'imeku tu'isi am mabbetsulatuko. Intok jume' Krijtopo aamak werim, ini'i am wok baksialatuko. Intok wame'e, jita'apo jiokot emo bichakame, junaet am anialatuko. Oo jita juni'i inile benak tu'ik a' bo'o joorialatuko, junuen a amemak na'ikiatune.

EBREEOM 10:22

Junuen san, itepo, tua junen jiaka, Liojtau bichaa ito nokriane. Intok ket, juka' itom suale'uta, tua lutu'uriapo aet eakai. Bwe'ituk ju'u Lios, aapo, ka tu'ik betana itom jiokoila. Junuen, ju'u ka tu'ik betana, ka intok itom a' yu'iine' betchi'bo. Intok kia itom takaam juni'i, kalajko ba'ammea baksiarim benasi machikai.

1 JOAN 1:7

Taa itepo, aapo'ik ea'po aman, tu'isi jiapsa'ateko, aapo'ik Liojta, tu'ik bo'o jooria'a benasia, junak itepo, si'ime nanancha nau eaka jiapsine. Intok junuen, a' u'usiwata, Jesukrijtota, kuuset a' mukuka'ue, itepo, si'ime itom ka tu'uwa ya'arim betana te jiokoiri.

1 JOAN 5:6

Jesukrijtota inim yeu machiaka'uta, ba'ae intok ojboe ju'uneiyaatuk. Ka ba'ae jiba, taa ala ba'ae intok ojboe. Ba'apo bato'owaawaka, intok kuuset popontaka, a' ojbowata wo'otekai. Intok jiba ju'u Liojta tu'u jiapsi juna'a, ju'u iniet itom ju'uneetuame.

APOKALIPSIS 1:5

Intok ketchia, Jesukrijtota betana, ju'u, Liojta betana si'imeta juka' lutu'uriata yeu a' machiaka a' teuwaame. Intok che'a bat, ju'u, mukuka, juchi jiabijtekame. Intok aapo, inim si'ime yo'o nesaweme bepa yo'o nesawe. Jesukrijto, aapo itom nake, intok itom ka tu'uwa ya'arimmet itom jiokoeka, ame betana itom jinne'uk, kuuset mukuka, a' ojbowata wo'otakai.

APOKALIPSIS 7:14

Ne intok inen au jiiak: ―Achai, inimmet empo ju'unea, nee tejwaane. Aapo intok, inen neu jiiak: ―Inime'e juname'em, wame'e, unnaa jiokot yee bittuawaka'po yeu sajakame. Jume'e, Jesukrijtota, Bwalapo ta'eewamta, ame betchi'bo kuuset a' ojbowata wo'otekamta, a' sualeka junae Liojtamak emo tu'uteka intok ka tu'ik kaita ya'ari benasi bem mabetrimtunee'uta a' jajamekame.