JOAN 13:22 - Yaqui

²² Junako jume' aapo'ik majtim naas emo bitchu japtek, jabetat junuen a' noka'apo tua ka ju'uneakai.

JOAN 13:22 ပူးပေါင်းရင်းမြစ်များ

MATEEO 26:21

Bempo'im intok ketuni ji'ibwaao, aapo: ―Lutu'uriapo ne inen emou jiia, emo betana senu nee yeu bwijne ―ti ameu jiiak.

MATEEO 26:22

Junak intok bempo tua emo sioktuak. Intok inime'e we'epulaka: ―Achai, jaisa inepo juna'atunee ja'ani ―ti au nattemai japtek.

MAEKOS 14:18

Junama'a intok, ama aet jiji'ibwawa'po, ji'ibwa betchi'bo, ama jootekai, Jesus inen jiiak: ―Lutula wee'po ―tiia―, emo tana senu aane, i'an nemak inim ji'ibwame, nee yeu bwiseka nee nenkineeme ―tiia.

MAEKOS 14:19

Junak san beja, bempo, ka emo alleetua japtek, intok we'epulaka inen au jiu japtek: ―Jumak juni'i inepo ja'ani ―ti jiakai.

LUUKAS 22:21

’Taa ne ju'unea, juka' nee yeu bwijneemta, inim itom ji'ibwa'po, nemak a' ane'epo.

LUUKAS 22:23

Junak intok bempo naas nau nattemai japtek, jabeta tua junen yeu a' bwijne'po betana.

JOAN 13:18

’Kannee si'imem emo betchi'bo inika'a teuwaa. Ju'unea nee, jabemmet junen in yeu pu'ariaka'po. Taa juka'a, jum Liojta nok lutu'uriapo ji'ojtei, utte'a a' chupne'po: “Ju'u nemak ji'ibwame, ini'i nee beje'eka kiktela”, ti a' jiaka'po.

JOAN 13:21

Chukula inika'a teuwaasukai, Jesus a' jiapsipo tua ka ine'emaisia a' juiwa'u aet ayukan. Intok junak machisi: ―Lutu'uriapo ne inen emou jiia, emo betana senu nee yeu bwiseka nee nenkine ―ti jiiak.