JOAN 12:39 - Yaqui

³⁹ Inien san inime'e ka a' sualen. Bwe'ituk ju'u Isa'iaj tuka'u ketchia inen a' ji'ojtek:

JOAN 12:39 ပူးပေါင်းရင်းမြစ်များ

JOAN 10:38

Taa inika'a weyemta nee a' bo'o jooriao, junuen, eme'e nee ka sualeka juni'i, taa juka' machilaata in joa'uta eme'e inika'a a' sualne. Junuen, juka' achaita, aapo'ik net a' ane'uta intok nee ket aapo'ik in yo'owabet in ane'uta a' ju'uneiyaaka, inien a' lutu'uria tuka'uta a' mabet betchi'bo ―ti ameu jiiak.

JOAN 12:38

Bwe'ituk utte'atukan, inen juka' Liojta betana ju'uneaka, chukula yeu weenemta noka'uta, Isa'iaj tuka'uta a' teuwaaka'uta: Achai Lios, kaabe juka' itom ameu teuwaa'uta a' sualek. Kaabe inim juka' tua suum watchisi machika, Liojta a jita a' joa'uta a' bichaka juni'i, junuen a' suale, ti a' teuwaaka'uta.

JOAN 12:40

Ju'u Lios, bibichaka, ka bibichame benasi am tawaak. Intok a jitat bem ju'une'ea'uta am u'aak. Junuen, nee betana weyemta bichaka, ka aet bem ju'uneene' betchi'bo. Intok nee betana weyemtat, ka tua junen jiaka bem aet ju'uneene' betchi'bo. Intok kia inime'e, junuen in am jinne'une' betchi'bo, ka neu bicha am waatine' betchi'bo, ti jiakai.

JOAN 5:44

Kaachin eme'e a nee sualne, junuen eme'e emo nasuk jitat emo eiyaawaka emo bitwamta nat jaiwakai. Intok ju'u wepulsi aapolaika jiba Liojta betana eiyaawaka tu'isi enchim mabetnaa'uta ka a' jaiwa.

JOAN 6:44

Kaabe inim nemak eaka nee sualne, inika'a, ka juka' in yo'owata inim a'abo nee bittuakamta, nemak a' eene' betchi'bo, ka junaet a' aniao. Ineponee intok inika'a chukula jume' kokkolam jiabijteneeo, inepo nee a' jiabijtetuane.

2 PEEO 2:14

Jabe jamutta juni'i bichaka, sep a' waatane. Ka tu'ik bem joonee'uta, inime'e ka aawaj kop kopte. Jume' kee tu'isi Krijtota betana lutu'uriat ju'uneame, am bai ta'aaka, ka tu'ik am jootua. Bempo, jain juni'i jita waatiawamta eiyaaka a' joo ta'aa. Ka tu'u yoemrataka, ka tu'isi ameu chupia.