JOAN 11:33 - Yaqui

³³ Ju'u Jesus, juka' Mariata intok jume' juriom aamak ama yajakame bwaname bichakai, tua a' sioka'u intok a' jiapsipo tua a' juiwa'u aet ayukan.

JOAN 11:33 ပူးပေါင်းရင်းမြစ်များ

MAEKOS 3:5

Jesus intok, si'imem, ka alleaka naj bitchun. Intok bem namakak jiapseka' betchi'bo, au sioktuak. Junae yoemtau intok, wakiak mamakamtau inen jiiak: ―Em mamam rutukta'e ―ti au jiiak. Juna'a intok, a' mamawam rutuktak. Intok sep tu'ureak.

MAEKOS 9:19

Junak san ju'u Jesus inen am yoopnak: ―Ini'i yoemra, tua kaita a suale ―ti ameu jiakai―. Jaisa inim jiba nee emomak an machian, intok jiba inim jiokot nee ino bit i'a ja'ani ―ti ameu nattemaek. Junaka'a intok, junuen ko'okoemta au a' toji nesaen.

JOAN 11:19

Jume' juriom betana intok, juebenaka aman Maata' teamtau intok Maria' teamtau aanen, juka' bem abachi mukuka'a betana am jiapsi jo'abaekai.

JOAN 11:31

Junak jume' juriom a' jo'apo a' jiapsi yechaka aamak ama ane'um, junuen Mariata, kikteka intok sep yeu sikamta bichakai, inime'e aet cha'aka sajak, bempo, juka' Laasaro tuka'uta ma'ariu sika aman a' bwanbae'eti eakai.

JOAN 11:34

Intok aapo: ―Jakunsa eme'e a' teekak ―ti ameu nattemaek. Bempo intok: ―Itom yo'owa, a'abo sika a' bitne ―ti au jiiak.

JOAN 11:35

Junak ju'u Jesus bwaanak.

JOAN 11:38

Jesus, juchi tua jiapsipo a' juiwaka, jum tetapo wojo'orita ya'ariu ruktek. Ini'i, senu kau tejtukan. Intok ini'i, senu bwe'u tetae pattitukan.

JOAN 12:27

’I'an tua ne kaachin an machi benasi ea. Jaisa tua ne au jiune. Jaisa inepo: “In yo'owa, i'an neu weenemta betana nee jinne'une”, ti ne au jiunee ja'ani. Taa nee jiba tua inia betchi'bo su nee a'abo ne yebijlaa.

JOAN 13:21

Chukula inika'a teuwaasukai, Jesus a' jiapsipo tua ka ine'emaisia a' juiwa'u aet ayukan. Intok junak machisi: ―Lutu'uriapo ne inen emou jiia, emo betana senu nee yeu bwiseka nee nenkine ―ti jiiak.

ROMAANOM 12:15

Jume'e, jita'apo juni'i alleammake, eme'e, juname'emak ket alleene. Intok jume'e, jitat juni'i siokaka, ka alleammak, eme'e amewit junuen eene.

EBREEOM 4:15

Bwe'ituk ju'u, Liojta bichapo, si'imem bepa itou yo'o ya'ari, bettesi itou ayukamtat, ka itom au yuma'ut, itom jiokoleka, a itom ania. Bwe'ituk aapo, jiba ito benasi, si'imeku ji'obilaatuk. Taa juka' ka tu'ik, jakwoo juni'i ka yaakai.