EBREEOM 5:6 - Yaqui

⁶ Liojta nok lutu'uria ji'ojteipo ket omot junuen au a' jiaka'a benasia: Empo, jiba betchi'bo inia tekil yo'oriwamtau yeu pu'ari. Jiba Melkiserek tuka'uta, au a' yo'otuka'a benasia.

EBREEOM 5:6 ပူးပေါင်းရင်းမြစ်များ

EBREEOM 5:10

Bwe'ituk ju'u Lios, te'opou bat yo'otaka, junaka'a tekileu yeu a' pu'ak, jiba Melkiserektuka'uta benasi machikai.

EBREEOM 7:11

Ju'u yoemra, Ijra'eltuka'uta betana yeu katriam, jume' Lebiituka'uta betana yoemiarimtaka, te'opopo yo'owem betana jume' nesauri ji'ojteim mabetak. Juname'e intok, Aaroontuka'uta betana yoemiamtukan. Junuen san, i'ani, junuen lutu'uriapo juka' inime'e betana nesaurita bo'o jooriame, Liojtamak bem emo tu'utenee'uta, am jajamtuako, junak ka utte'atu ean, juchi senuk, te'opopo che'a bat yo'otuneemta yeu a' machiane'po. Juna'a intok jaibu ka Aaroontuka'uta benasi machikai, taa ala ju'u Melkisereek teamta benakai.

EBREEOM 7:15

Ini'i intok inim teuwaawame, che'a ju'unakkiachisi yeu weama, juka' bemelasi Liojta betana itou yo'o ya'arita, juka' Melkisereek tuka'uta a' yo'o ya'arituka'abenaeka'po.

EBREEOM 7:17

Bwe'ituk ju'u Lios, inika'a inen ae betana teuwaala: Empo, jiba betchi'bo, te'opopo yo'otune, Melkiserek tuka'uta benasia.

EBREEOM 7:21

Waate, jume' bat naataka te'opopo che'a bat yo'owe, junuen yeu pu'atuka juni'i, taa ka Liojta betana junuen tua ameu a' lutu'uriatune'po a' na'atejoka yeu pu'awakai. Taa Jesukrijto, i'an, Liojta bichapo itou yo'ota betana, tua junuen au a' lutu'uriatune'po teuwaatuk. Bwe'ituk Liojta nok lutu'uriapo aapo'ikut nokaka inen ji'ojtei: Ju'u achai Lios, junuen, tua au a' lutu'uriatune'po a' teuwaak. Intok ka ta'abwisi aunee: “Empo, jiba yuu betchi'bo'e, te'opopo che'a bat yo'owe, Ju'u Melkisereekta a' yo'otuka'a benasia.”

EBREEOM 7:3

Inia betana, a' yo'owawammet, kaabe ju'unea. Intok kia che'a bat naataka, juname'e yo'owasuka'ummet juni'i, kaabe ju'unea. Jak weyeo yeu a' yoemtuka'po, intok kia jak weyeo su a' mukuka'po juni'i, ka ju'uneewa. Junuen san, ju'u Liojta u'usi benasi yoemtaka yeu siika, jiba betchi'bo, Liojta betana te'opopo che'a bat yo'otuk.

EBREEOM 7:8

Inim bwiapo, jume' jiapsame nasuk, jume' woj mamnik betana wepu'ulaik mabetame, ka jiba betchi'bo inim yoemem. Taa Melkisereek teamtat nokakai, Liojta nok lutu'uriapo, ka a' mukiatuka'a benasi a' teuwaa.