APOKALIPSIS 6:2 - Yaqui

² Junak intok, kaba'ita, tossaalaik ne bichak. Ju'u intok aet yes simeme, mampo, kuta wiko'ita benak weiyaan. Kobat intok, sawai tomie ya'aritaka aet yecha'awak. Juna'a intok, junuen yo'olataka yeu siika. Intok junuen naa buusti, juchi wateku yo'obaekai.

APOKALIPSIS 6:2 ပူးပေါင်းရင်းမြစ်များ

MATEEO 28:18

Junak intok ju'u Jesus ameu rukteka intok inimmeu: ―Teekau intok kia inim bwiapo juni'i, si'imekuu che'a in yo'otunee'uta, inepo ne i'an a' mabetri ―ti ameu jiiak―.

1 KORINTIOM 15:25

Bwe'ituk ju'u yo'owe Jesukrijto, inika'a kee yeu weyeo, inia bepat bat, inim bwiapo si'imekut nesaweka a' yejnee'uta au lutu'uriatune, jume' a' ee beje'eka aneme am koba'asu'po tajtia.

APOKALIPSIS 11:15

Iniamak woo busanika, juchi ju'u senu ankeles, a' kusiawata jiutuak. Junak intok, teekau jiawaim, tua utte'aka jikkajituk: Inim bwiapo, si'ime jume' ya'uraam, itom achai Liojtau intok ju'u Krijto, a' yoemiabeu emo su'u tojila. Aapo intok, jiba yuu wasuktiammeu tajtia nesaune, ti jiame.

APOKALIPSIS 11:18

Jume' ka nanau machika yoemram, ka alleaka, omtemme. Taa yuma'asuk ju'u taewai, em aet yee jiokot emo bittuanee'u. Intok ketchia ju'u taewai, jume' kokkoarim em am ya'uraa bittuanee'u. Intok empo, jume' ee betana yeu pu'arim, yeteu noktuawame, intok jume' wepulsi eu emo su'u tojilame, Intok jume'e, enchi yo'ori ta'aaka jiapsame, empo, juka' ameu tu'ik am bittuane. Kia jume' che'a eiyaawame oo kia jume' ka eiyaawame juni'i. Intok ket, inim bwiapo, jume' si'imeta lu'utame, em am lu'utanee'u.

APOKALIPSIS 14:14

Junak intok tossaalaik namuta ne bichak. Junae namuta bepa intok, Liojta usita benak ama katekamta. Ini'i kobat, sawai tomie ya'arita aet yecha'ikai. Bwaawi oosam intok mampo jipuen.

APOKALIPSIS 15:2

Ketchia baweta, bikriota benasi naj mamachika intok taji mak kurai benak ne bichak. Intok wame'e, juka' naikim wokekamta intok juka' ale benasi juka' ya'arita intok kia junae betana juka' machilaata koba'ika yeu sajakame, inime'e, junae baweta benaka naj mamachik naapo ja'abwekan. Aapam intok achai Liojta betana bem makrim, nuk ja'abwekai.

APOKALIPSIS 17:14

Si'ime inime'e, juka' Bwalata beje'eka nassuane. Taa juna'a Bwala am koba'ane. Bwe'ituk aapo juna'a, ju'u si'imem bepa che'a yo'owe. Intok si'imem bepa yo'o nesaweme. Jume' intok, aamak eaka aamak aneme, achai Liojta betana yeu pu'arim intok nunurim, intok inime'e, Liojta ka kopta.

APOKALIPSIS 19:14

Iniat cha'aka, jum teekau jume' sontaom kaaten, lino' teamta beje'emta, tojsassaalaik tajo'orekai. Tojsassaalaim intok kakkaba'ekai.

APOKALIPSIS 3:21

Jume'e, ka tu'ik koba'ika, tu'isi yeu sajakame, yo'otaka in annee'po, nemak bem joonee'uta, ne ameu a' na'ikiane. Inepo'ik, ka tu'ik kobaka, intok achai Liojtamak, yo'otaka a' kateka'po in aamak yejteka'a benasia.

APOKALIPSIS 9:7

Juname'e wo'ochim, kaba'im nassuawa'u bicha kateme bebenaekan. Bem kobammet, sawai tomie ya'arita bebenam amet jo'ariakan. Intok yoem pujbakame benaekan.