APOKALIPSIS 6:17 - Yaqui

¹⁷ Bwe'ituk tua suum watchisi machika ju'u taewai yuma'asuk. Liojta aet yee jiokot a' tawaanee'u. Junama'a intok kaabe, Liojta beje'eka a' yo'olataka ama yeu weene.

APOKALIPSIS 6:17 ပူးပေါင်းရင်းမြစ်များ

LUUKAS 21:36

Ka eme'e emo koptaika jiapsibaane. Intok eme'e, Liojtau bicha enchim emo nokrianee'uta ka koptane, junuen si'imeta inika'a yeu weenemta betana a enchim ama yo'eene' betchi'bo. Intok ju'u inim yoemta bichapo tu'isi enchim mabetrimtune' betchi'bo.

ROMAANOM 2:5

Taa empo'e tua'e bettek jiapseka, ka Liojta noki jikkaja. Intok empo, ka tu'ik joowamta betana ka emo temaibae. Inia betchi'bo san, empo, juka' taewaita, Liojta yee aet a' ya'uraa bittuanee'ut, jiokot maisi em bitnee'uta, che'a juni'i eu a' bu'uuria. Bwe'ituk aapo ju'u Lios, si'imemmeu tua ameu a' lutu'uriatuka'po aman, ameu a' chupa'ane.

JUURAS 1:6

Jume' intok ankelesim, Liojta sawe'um, ka jum bem tekiaka'po tawakame, ala teekau bem jiapsa'po yeu sajakame, ju'u Lios, jiba betchi'bo ka tu'isi am tawaaka, jum ka mamachiku am jipue, yee aet ya'uraa bittuanee'uta taewaita yuma'apo tajtia.

APOKALIPSIS 11:18

Jume' ka nanau machika yoemram, ka alleaka, omtemme. Taa yuma'asuk ju'u taewai, em aet yee jiokot emo bittuanee'u. Intok ketchia ju'u taewai, jume' kokkoarim em am ya'uraa bittuanee'u. Intok empo, jume' ee betana yeu pu'arim, yeteu noktuawame, intok jume' wepulsi eu emo su'u tojilame, Intok jume'e, enchi yo'ori ta'aaka jiapsame, empo, juka' ameu tu'ik am bittuane. Kia jume' che'a eiyaawame oo kia jume' ka eiyaawame juni'i. Intok ket, inim bwiapo, jume' si'imeta lu'utame, em am lu'utanee'u.

APOKALIPSIS 16:14

Inime'e intok, ju'u bebeje'erita betana ka tu'i jiapsimtukan. Inime'e, machilaata ka a jootu machik jooan. Intok juname'e aniat, jume' si'imem bepa che'a yo'owem nau toji betchi'bo, yeu sajak. Junuen juname'e, achai Liojta, si'ime utte'akamta, taewaita a' teuwaari yuma'aneeo, am nassuane' betchi'bo.