APOKALIPSIS 5:2 - Yaqui

² Intok senu ankelejta, ama butti utte'akamta ne bichak, kusisi nokaka inen nattemaemta: ―Jabesa tua au cha'aka, jume' ji'osia ji'ojteim etapo betchi'bo, intok ammea am suma'im buttaa betchi'bo ―ti jiakai.

APOKALIPSIS 5:2 ပူးပေါင်းရင်းမြစ်များ

APOKALIPSIS 10:1

Junak intoko, juchi senu ankelejta, tu'isi utte'akamta, teeka betana, namupo ko'om weyemta ne bichak. Intok a' kobawa bepa, teweika, sawaika intok sikiika, ko'oi, ae bepa jipuen. A' pujbawa intok, ta'ata benasi tachiriakan. Jume' intok, a' wokiwam, taji buaktiam ja'abweka'a benaekan.

APOKALIPSIS 18:21

Junak intok senu ankeles, tua utte'akai, bwe'u teta muina tetata benak a' toboktaka intok baweu ko'om a' jimaak inen jiakai: ―Ket jiba inien su, ka jiokoliwaka, ousi wetnee ju'u bwe'u jo'araa Babiloonia' teame. Intok jakwoo juni'i ka intok bittune ―ti jiakai―.

APOKALIPSIS 5:1

Junak intoko, junama'a yo'oweta yeyesa'po katekamta, batatana a' mampo, ji'osia ji'ojteim, nat biijtim ne bichak. Juna'a, nau bicha amet ji'ojteitukan. Juname'e ji'osiam intok, woo busanisi suma'itukan.

APOKALIPSIS 5:5

Junak san, jume' junama'a yo'otaka jokame betana, senu inen neu jiiak: ―Kat intoko bwaana. Bwe'ituk ju'u Juraa' teamtat yeu saka'ariam betana, seenu, ouseipo ta'eewame, ket, juka' che'a yo'o ya'ari, Labiituka'utat yeu simria, juna'a, juname'e ji'osiam a am etapo betchi'bo, intok jume' woo busanisi ammea suma'im, chukta betchi'bo, yo'olataka yeu simlaa ―ti neu jiiak.