APOKALIPSIS 18:4 - Yaqui

⁴ Junak intok, juchi senu jiawaita, teeka betana weyemta ne jikkajak, intok inen jiamta: ―Junum bwe'u jo'araa betana eme'e yeu kaate, in yoemiam. Junuen, juka' ka tu'ik bem joa'uta, ka amemak enchim a' ya'arine' betchi'bo. Intok kia juka' ko'okoata juni'i, bem inne'enee'uta ka enchim amemak a' inne'ene' betchi'bo.

APOKALIPSIS 18:4 ပူးပေါင်းရင်းမြစ်များ

MATEEO 23:30

Intok ket eme'e inen jijia: “Itepo ala, jume' bat naataka itom yo'owasuka'um jiapsao taewaimmet jiapsaka'ateko, kaibu te juname'e ee'aniaka jume' Liojta betana yeteu nonoktuawame am su'aa ean.”

2 KORINTIOM 6:17

Junuen san ket inen a' teuwaak: Jume' ka tu'ik bo'o jooriame betana em ame nasuk yeu katne. Intok ka amemak emo tu'urine, ti jiia ju'u itom achai Lios. Intok juka' ka tu'ik ka joobaane. Junak ne enchim mabetne.

1 TIMOTEEO 5:22

Intok ket empo, Krijtota sualemmeu senuk yo'o ya'abae'eteko, tu'isi aet bichaka bo'o bitne. Junuen empo, ka watem ka tu'isi aulammak, amemak ji'oplata benasi bitna' betchi'bo. Ka tu'ik, ka em joonee'ut emo suuane.

2 JOAN 1:11

Bwe'ituk, ju'u junaka'a junuen tebotuakame, junae, ka tu'ik a' bo'o jooria'po, aamak eamta benasi anne.