APOKALIPSIS 17:12 - Yaqui

¹² ’Jume' intok woj mamni aawam, em bichaka'um, woj mamnim, che'a yo'o ya'arim, ketun kee nesau japteme teuwaa. Taa inime'e, chuuba, ju'u naikim wokekamta betana aniawaka yo'o nesaune.

APOKALIPSIS 17:12 ပူးပေါင်းရင်းမြစ်များ

APOKALIPSIS 10:11

Sep ket inen neu jiuwak: ―Utte'a, juchi em a' teuwaane'po juka' achai Liojta si'ime, ka nanau machi yoemrata betana intok ka nanau maisi machik nokame betana intok jume' che'a yo'o ya'arim betana, juka' a' teuwaa'uta.

APOKALIPSIS 12:3

Junama'a lauti, juchi senu machilaa, teekapo yeu machiak. Jitaa jiapsaka, unnaa bwe'uuka, sikiika, woo busanim kobakai. Intok woj mamnim awakai. Intok we'epul a' kobammet, jitae ya'arim aet jo'ariakan.

APOKALIPSIS 13:1

Bawe mayoat kikteka, ne intok junama'a bawepo ba'apo betana jitaa, jikau weyemta ne bichak. Woo busanim kobaka, intok woj mamnim awakamta. Intok we'epul a' awammet, jita, sawai tomie ya'arim aet jo'ariakan. A' kobawammet intok, Liojta beje'eka jaana nokame aet ji'ojteitukan.

APOKALIPSIS 17:16

Jume' intok woj mamni aawam, intok juka' naikim wokekamta em bichaka'um, inime'e, juka' ka tu'i jamutta a' omtane. Intok a' to'o saka'ane. Intok kaita aet be'aakai, ausu'lik, juka' beje'ewakamta a' jipue'uta, a' u'uraaka, a' taya'ane.

APOKALIPSIS 18:10

Mekka tawane, tua jiokot a' ya'anaa'uta a' majjaekai. Inen intok jiunee: ―Tua jiokot eu maachi. Unnaa bwe'u jo'araa Babiloonia' teame, ju'u ka a koba'atu'u. Bwe'ituk chubalaposu eu yuumak ju'u jiokot em emo bitnee'u.

APOKALIPSIS 18:17

Intok senu chubalapo su lu'utisuk ju'u tua eiyaawatchiaka'u. Intok si'ime jume' bawe barkompo yo'otaka nesaweme, bawepo naj katemmake, jume' barkompo tekipanoammake, intok si'ime jume' bawepo tekipanoaka emo aniame, inime'e mekka taawak.

APOKALIPSIS 18:19

Inime'e, kobat emo bwiatuak, bwanakai, intok tua siokakai. Intok inen chaaen: ―Tua jiokot au maachi, ju'u bwe'u jo'araatawi. Ka iili wame'e bawepo, jume' barkom jipueme, inia jipue'ue totomitukan. Bwe'ituk chubalapo su, kaita'po taawak.