APOKALIPSIS 12:2 - Yaqui

² Ini'i jamut abe yeu kikten. Intok wantiriammea tu'isi chaaen. Bwe'ituk ba'asoabaekai, jiokot au bichan.

APOKALIPSIS 12:2 ပူးပေါင်းရင်းမြစ်များ

MATEEO 24:8

Si'ime ini'i, kia ju'u ju'ubwa naatemetune, ju'u aet emo jiokot bitnaame.

JOAN 16:21

Jamut seenu, usibae'eteko, junak ini'i ka alleene, taewai, jiokot au a' bitnee'uta a' yumaka' betchi'bo. Taa ini'i, chukula, juka' ili usita yeu yebijsuko, ini'i, jiokot au a' bichaka'u ka au waatine, tua alleeakai, inim ili usita yeu yoemtuka'po ju'uneakai.

KAALATAM 4:19

Eme'e tua in naksi eiyaa'um, i'an juchi nee emo betchi'bo jiokot ino bicha, jiba senu jamutta abe yoemiaka, jiokot au a' bicha'a benasi jiokot ino bichakai. Intok ketun nee inien jiokot ino bitne, inim Krijtota tu'u jiapsita emot jiapsaka intok junuen enchim jiapsi'ea'a benasia, inika'a enchim a' ta'aa'u tajtia.

KAALATAM 4:27

Bwe'ituk jum Liojta ji'osia ji'ojteimpo: Allea'e, jamut, ju'u ka a asoame. Intok empo, ka yoemiakame, juka' em allea'uta, chai nokpo a' teuwaane, jiba empo i'an ju'u asou wantiriam ka ta'aame. Bwe'ituk ju'u jamut jimaatukame, ju'u, ini'i kunakamta bepa che'a yu'in yoemiane, ti ji'ojtei.

APOKALIPSIS 12:4

Ini'i, a' bwasiae, jume' chokim teekapo aukame, ka tua, taa batte nasuk aman am biaktaka, bwiau ko'om am beebak. Junak intok ini'i, woo busanim kobakame, ju'u jamut, yeu kiktebaemta bichapo kiktek, junae uusi, yeu a' tomteko, sep a' bwa'abaekai.