KRIJTOTA YEU PU'ARIM YA'ARI 8:31 - Yaqui

³¹ Ini'i yoeme intok: ―Kaachin nee aet ju'uneene, kaabeta senuk ju'uneamta nee a' tejwaao ―ti jiiak. Intok junako, aamak ja'amuka aamak a' yej simne' betchi'bo au nookak.

KRIJTOTA YEU PU'ARIM YA'ARI 8:31 ပူးပေါင်းရင်းမြစ်များ

MAEKOS 10:15

Lutula wee'po ne inen jiia, kia jabetaka juni'i, Liojta utte'a nesawata, ili usita benasi ka au eetuaka'ateko, junaka'a, Lios utte'a nesawata kateka'po, ka a aman kibakne ―ti ameu jiiak.

KRIJTOTA YEU PU'ARIM YA'ARI 8:30

Intok junak ju'u Jeriipe, buiteka lauti junau ruktekai, inika'a, Isa'iaj tuka'uta ji'osia ji'ojteim nokamta jikkajaka, intok: ―Jaisa empo ju'u em noka'ut ju'uneaka a' nooka ja'ani ―ti a' temaek.

KRIJTOTA YEU PU'ARIM YA'ARI 8:32

Jum Liojta nok lutu'uria ji'ojteimpo a' noka'u inen ji'ojtei tukan: Bwalata benasi nu'uwaka me'etuk. Intok jiba juka' bwala aso'olaata, Jume' a' boa'ume bichapo ka a' bwabwana'a benasi, Aapo ket junuen ka au nokriak.

ROMAANOM 10:14

Taa kaachin au bicha emo nokriane, ka a' sualekai. Intok kia kaachin a' sualne, aapo'ik betana weyemta kee jikkajilamtakai. Intok kaibu a' jikkajinee juka' Liojta nok lutu'uriata, kaabeta ameu a' teuwaao.

1 KORINTIOM 3:18

Kaabe inim ju'u ayukamtat au bai tatta'ane. Emo nasuk seenu, inim bwiapo weyemta betana au suawaile'eteko, juna'a, kaita a' ta'a'a benasia au eiyaane. Junuen lutu'uriapo Liojta bichapo aapo'ik tua suawakamta'a benasi a' eiyaana' betchi'bo.

1 KORINTIOM 8:2

Senu intok, au jita ta'aale'eteko, ketun kee tua junama wa'am a' ju'unea'po au ju'uneiyaane.

SANTIAAKO 1:10

Ju'u intok Krijtota sualeme, tomekai, alleene, jaibu ka intok au a' che'eware' betchi'bo. Bwe'ituk ju'u yu'in tomekame, juya sewata benasi maachi, ka a binwatune.

SANTIAAKO 1:21

Jiba inia betchi'bo san, eme'e, si'imeta juka' ka tu'isi enchim tawaamta koptane. Intok juebenaka juka' ka tu'isi weyemta, jitat tiusi bo'o jooriawamta su'u toja'em. Intok eme'e, Liojta betana nok lutu'uriata enchim majti, alleaka a' jikkajaka a' tu'u mabetne. Bwe'ituk ini'i Liojta nok lutu'uria, enchim jinne'u betchi'bo utte'ak.