KRIJTOTA YEU PU'ARIM YA'ARI 7:36 - Yaqui

³⁶ Ini'i Moisees, juna'a ju'u, jume' che'a bat itom yo'owasuka'um, bwiaraa Ejipto' tea'po yeu am nuk sikame. Intok jiba aapo, jiba junama bwiaraapo, intok jum bwe'u se'e pa'aku, intok Sikii bawe' tea'po, junama'a, woi taka wasuktiammeu tajtia ka a joo tu machik intok machilaata yaakame.

KRIJTOTA YEU PU'ARIM YA'ARI 7:36 ပူးပေါင်းရင်းမြစ်များ

JOAN 4:48

Junak ju'u Jesus iniau inen jiiak: ―Jitaa machilaata intok juka' jita senuk a joa'uta suum watchika senuk a joa'uta ka a' bichakai, eme'e kaita sualne ―ti au jiiak.

KRIJTOTA YEU PU'ARIM YA'ARI 13:18

Ju'u Lios, aman mekka bwe'u se'e pa'ariau, ka amma'ali bem jiapsa'ut, junak woi taka wasuktiampo tajtia, si'imeku amemak tu'u'ansuk.

KRIJTOTA YEU PU'ARIM YA'ARI 7:42

Junak intok ju'u Lios, ka intok am aniaka am koptak. Intok aapo, teekapo jume' chokim bem yo'orine' betchi'bo am su'u tojak. Bwe'ituk jiba jum Liojta betana jume' chukula yeu weenemta teuwaamta, bem ji'osia ji'ojteimpo: Jaisa tua eme'e inim Ijra'el yoemra, jume' naikim wokekame su'aka enchim ne yo'oribae' betchi'bo, Woi taka wasuktiampo tajti jum bwe'u se'e pa'akun aneka, juname'e am su'ak ja'ani.

EBREEOM 3:8

Ka omola a' tawaaka a' beje'ene. Jume' junakriapo Liojta beje'eka aukame benasi anekai. Intok jum bweka pa'aku Liojta wate weyemtat a' ji'obilaaka'a benasia.

EBREEOM 3:9

Junama'a jume' bat naataka enchim yo'owasuka'um, junuen woi taka wasuktiammeu tajtia, In amemaktuka am ya'ariaka'uta bichaka juni'i, Jiba wate weyemtat nee ji'obilaababaek, ti jiiak ju'u achai Lios.

EBREEOM 8:9

Ka jume' bempo'im yo'owasuka'um mak lutu'uriata in amemakta yaaka'u benane. Junak, bwiaraa Ejipto' tea'a betana yeu am nuk sika inepo am aniakai. Bempo su junaka'a lutu'uriata in amemak yaaka'uta, ka aet yeu yuumakai. Intok junae betchi'bo ne ka am aniaka am koptak, ti jiia ju'u achai Lios.