KRIJTOTA YEU PU'ARIM YA'ARI 24:5 - Yaqui

⁵ Bwe'ituk inia o'outa betana, itepo, aapo'ik si'imeku ka nau eewamta joaka, si'imekut weyeka jume' juriom nasuk, nattepola emo eiyaawamta joaka itepo a' ju'uneiyaa. Intok ini'i, jume'e, nau eaka, nasareenompo emo teuwammeu kobataka weyek.

KRIJTOTA YEU PU'ARIM YA'ARI 24:5 ပူးပေါင်းရင်းမြစ်များ

MATEEO 10:25

Ju'u majtawame, ju'u a' majtaka'uta benasi jita tu'ik ta'aaka, junaemak yanti elne. Ju'u tekokame intok ket, a' tekowata benasi tekileu junuen yumakai, yanti elne. Taa junuen juka' che'a yo'ota juni'i su, bebeje'eri jiapsimmeu yo'owe ti a' teuwaawao, jiba tua jume' a' yoemiawam che'a juni'i junaen teuwaanaa.

MATEEO 2:23

Junaman yepsakai jo'ara Nasaret tea'u jo'atek. Ini'i yeu siika junuen, Liojta betana jume' ju'uneetuawakame bem teuwaaka'uta, a' chupne' betchi'bo, Jesukrijtota, nasaareenopo a' ta'eena'ati bem jiaka'uta.

MAEKOS 1:24

Juna'a intok, chai nokpo, inen au jiiak: ―Empo Jesus ―ti jiia―, bwe'u jo'ara Nasaret tea'po jo'aakame, jitasa empo itomak lutu'uriak ―ta' temaek―. Empo jumak ka amma'ali itomak a'abo bo'o jooseka weye ja'ani ―ta' temaek―. Ette ju'unea, Liojta betana em tu'u jiapsi usiarituka'po ―ti jiia.

LUUKAS 23:19

Ini'i Barabaaj teame, jum bwe'u jo'arapo, ya'uraata beje'eka nassuawamta ya'alatukan intok yee su'ari betchi'bo, ama eta'itukan.

LUUKAS 23:2

Junama'a intok inime'e sep su a' na'atejo japtek inen jiakai: ―Itepo, tee inika'a o'outa inim itomak yoemrata, ka yanti a' eltuamta te a' ju'uneiyaa. Juka' tomita jum bwe'u jo'ara Romapo, ju'u che'a yo'o ya'aritau bicha weyemta, ka itom a' bejje'etuane'e ti jiia. Intok ketchia, aapo au ju'u che'a yo'o ya'ari a' Krijtotuka'u a' teuwaa ―ti jiakai.

LUUKAS 23:25

Intok junuen aapo, juka' bem su'u toji i'a'uta ameu yeu a' su'u tojak. Juka' bem bwe'u jo'arapo ya'uraata beje'eka, nassuawamta ya'alatuka intok yee a' su'ariaka' betchi'bo ama eta'ita. Jesujta intok bempo'im mampo a' su'u tojak.

LUUKAS 23:5

Taa inime'e che'a juni'i jiian: ―Ini'i, yee a' majta'ue inim jurea bwiaraapo, si'ime yoemrata ka yanti eltua. Kalilea bwiaraa' tea'po naateka intok i'an inim ket junaen a' weetua ―ti jiian.

KRIJTOTA YEU PU'ARIM YA'ARI 15:5

Taa junak, jume' paiseeom betana, waate Krijtota nok lutu'uriata sualeme, inime'e japteka intok: ―A' utte'a'a ―ti jiian―, jume' ka juriomtaka, Krijtota sualeme, am sirkunsiraaroanee'uta, intok jume' Moiseejtuka'uta nesauri ji'ojteim bem a' bo'o jooriaka bem jiapsinee'uta am tejwaanee'u ―ti jiakai.

KRIJTOTA YEU PU'ARIM YA'ARI 21:28

intok: ―Eme'e, Ijra'el tuka'uta betana kateka, inim yoemra, itome'em ania. Ini'i juna'a ju'u, si'imekut naj weyeka, inim itom yoemrata beje'eka, intok ju'u Moiseej tuka'uta nesauri ji'ojteim beje'eka, intok kia inika'a itom bwe'u te'opota beje'eka yee majtame. Intok naa buustia, ini'i i'an inim te'opopo waate rieekom im kima'i, junuen inika'a te'opota, Liojta im ane'e benasi eiyaawamta, ka tu'ik au ya'alaa ―ti kusisi chaae japtek.

KRIJTOTA YEU PU'ARIM YA'ARI 22:22

Inim tajtia inime'e, kaachin jiaka a' jikkajak. Taa iniat chukula bempo: ―Junu'u o'ou me'etune. Ka intok inim jiapsipo yuma'i ―ti chaai japtek.

KRIJTOTA YEU PU'ARIM YA'ARI 24:14

Taa ala, juka' i'an, witti in eu teuwaa'u, ini'i, juka' bat naataka itom yo'owasuka'um Lios, i'an ju'u bemela lutu'uria yee jinne'ume, bempo'im ka Liojta betana a' weye'eti jia'ue, inika'a lutu'uriata junuen a' weye'ue nee Liojta yo'oreka jiapsa.

KRIJTOTA YEU PU'ARIM YA'ARI 24:4

Taa inim ka kia beja enchi itomak binwatune' betchi'bo, eu ne ujbwana, junuen itom aet jiokoeka, chubala em itom jikkajine' betchi'bo.

KRIJTOTA YEU PU'ARIM YA'ARI 25:7

Junako, juka' Paplota junama yepsako, jume' juriom, bwe'u jo'ara Jerusalen tea'a betana ama yajilame, aman rukteka intok aapo'ik beje'eka, tu'isi juebenak, bettek teuwaaka a' na'atejok. Taa inime'e, junae bem teuwaa'ue, aapo'ik beje'eka, tua kaita lutu'uriatu machik a teuwaakai.

KRIJTOTA YEU PU'ARIM YA'ARI 26:5

Jiba bempo, inime'e ket ju'unea, intok junen ea'ateko, a' teuwaane, in ju'ubwa yo'otuka'po naateka, jume' paiseeompo ta'eewame, inim Liojta jachin itom suale'uta, che'a yuma'isi aet yeu yumame, inime mak in na'ikiatusuka'uta.

KRIJTOTA YEU PU'ARIM YA'ARI 28:22

Taa ketchia, itepo juka' em teuwaa'uta a' ju'uneiyaapea. Bwe'ituk itepote ju'unea, si'imekut inika'a bemelasi weyeka sualwamta, a' beje'eka nokwa'u ―ti au jiiak.

KRIJTOTA YEU PU'ARIM YA'ARI 5:17

Junako ju'u te'opopo tekiakammeu che'a yo'owe intok jume' saruseeompo emo teuwaaka junama junae mak aneme, inime'e tua amet kopten.

KRIJTOTA YEU PU'ARIM YA'ARI 6:13

Juname'e ket, watem aapo'ik beje'eka, ka lutu'uriata nokneeme jaiwak. Inime'e intok: ―Ini'i o'ou, ka nok yaateka, inika'a itom bwe'u te'opota itom eiyaa'uta intok Moiseej tuka'uta nesauri ji'ojteim beje'eka ka am yo'oreka jaana jiia ―ti jiame―.

1 KORINTIOM 11:19

Bwe'ituk, utte'a, emo nasuk junuen ka enchim nau eaka, nattepola enchim emo na'ikimtene'po. Junuen, jume' tua lutu'uriapo Krijtota suallame, am ju'uneiyaana' betchi'bo.

1 KORINTIOM 4:13

Ka tu'isi itot nokwa, taa tee ka jain eaka, am sua tejwaa. Tokti betchi'bo tee jak juni'i ka bibitpeewa jita jaibu ka tu'ireaka'a benasi eiyaawakai i'an tajtia.

1 PEEO 2:19

Bwe'ituk juna'a tu'ine, seenuk, tu'ik joaka juni'i, ka tu'ik bichakai, Liojta bichapo tu'isi a' tawabae' betchi'bo.