KRIJTOTA YEU PU'ARIM YA'ARI 2:7 - Yaqui

⁷ Inime san junen tua suum eaka am bichaka intok bempo: ―Si'ime inime'e nokame itom jikkaja'um, bwiaraa Kalilea' tea'po joomem o'oben ―ti nau jiian―.

KRIJTOTA YEU PU'ARIM YA'ARI 2:7 ပူးပေါင်းရင်းမြစ်များ

MATEEO 21:11

Ju'u intok yoemra: ―Ini'i juna'a ju'u Jesuj teame, chukula yeu weenemta tetteuwaame. Ju'u bwiaraa Kalilea' tea'po, jo'ara Nasaret tea'po joome ―ti jiian.

MATEEO 26:73

Che'a chuubatuka jume' junama'a ane'um, Peotau rukteka: ―Lutu'uria, empo ketchia junamemak weye. Bwe'ituk junuen em noka'ut juni'i, empo ju'unakkiachi ―ti au jiiak.

MATEEO 8:10

Junak ju'u Jesus inika'a ae tana jikkajakai, a' suum eiyaak. Intok jume' aamak katemmeu inen jiiak: ―Lutu'uriapo ne inen emou jiia, si'ime inim Ijra'el yoemrata nasuku, inepo kee jabeta ta'aa, inia o'outa benasia, tua tu'isi Liojtat a yoem'eamta.

MAEKOS 1:27

Si'ime ama aneme intok, Jesujta yaaka'uta bichaka a' sum eiyaak. Juname'e intok a' bichaka, inen nau jiu japtek: ―Jitasa tua ini'i ―ti nau jiu japtek―. Bemela wemta itom bittuabae, intok utte'akamta nooka. Intok juka' bebeje'eri jiapsitaka juni'i, a' nesawe'po aman auk.

MAEKOS 2:12

Juna'a intok, ama aneme, si'imem bichapo, sep kikteka, a' jipetekwata nau ropoktaka, bempo'im nasuk aman yeu siika. Juname'e intok, tu'isi a' suum eiyaaka taawak. Intok Liojta, tu'uwa noktae teuwaa japteka, inen jiian: ―Jakwoo juni'i, inien yeu simlamta te kee bichan ―tim jiian.

JOAN 7:52

Junak bempo inen au jiiak: ―Jaisa empo tua lutu'uriapo, bwiaraa Kalilea' tea'po ket joome ja'ani. Liojta betana weyeka ji'osia ji'ojteim emo majta. Intok empo junuen a' ju'uneiyaane, Liojta betana ju'uneetuawaka chukula yeu weenemta nokame, kia wepu'ulaika juni'i, bwiaraa Kalilea' tea'a betana ka a' jometuka'po ―ti au jiiak.

KRIJTOTA YEU PU'ARIM YA'ARI 1:11

Inime'e intok bempo'immeu: ―Eme'e, bwiaraa Kalilea' tea'po joomem, ka intok teekau jikau a' bitchune. Jiba ini'i Jesus, inim emo tana, teekau jikau sikame, aapo jiba inien, junuen a' sika enchim a' bichaka'a benasia juchi nottine ―ti ameu jiiak.

KRIJTOTA YEU PU'ARIM YA'ARI 2:12

Si'ime jume' am bichame suum eaka intok kaachin ee machiakan. Intok inime'e: ―Jitasa tua si'ime ini'i itom bicha'u ―ti nau nattemaen.

KRIJTOTA YEU PU'ARIM YA'ARI 2:8

Taa itepo i'an inime'e, bempo'im we'epulaka, itom aamak yo'otuka itom nokpo nokame jikkaja.

KRIJTOTA YEU PU'ARIM YA'ARI 3:10

Intok inime'e, juka' ama yeu sikamta betchi'bo, tua suum eaka a' bichak. Bempo su junaka'a yoemta tu'isi a' ta'aan. Intok ju'unean, jiba aapo'ik juna'a tuka'u, ju'u, te'opopo, pueeta Tua Ujyooi ti ta'eewa'po, ama kateka a' netansuka'u.