KRIJTOTA YEU PU'ARIM YA'ARI 19:15 - Yaqui

¹⁵ Taa chukula, inime'e inien am aubaao, ju'u ka tu'i jiapsi, inime'e: ―Juka' Jesujta, a' jabetuka'ut nee ju'unea. Intok juka' Paplota nee ta'aa. Taa nee enchim tua ka ta'aa ―ti am yoopnak.

KRIJTOTA YEU PU'ARIM YA'ARI 19:15 ပူးပေါင်းရင်းမြစ်များ

MAEKOS 1:24

Juna'a intok, chai nokpo, inen au jiiak: ―Empo Jesus ―ti jiia―, bwe'u jo'ara Nasaret tea'po jo'aakame, jitasa empo itomak lutu'uriak ―ta' temaek―. Empo jumak ka amma'ali itomak a'abo bo'o jooseka weye ja'ani ―ta' temaek―. Ette ju'unea, Liojta betana em tu'u jiapsi usiarituka'po ―ti jiia.

MAEKOS 1:34

Intok junama'a juebenam, ka nanau machi ko'okoakame, emo am ine'etetuak. Intok ket junalensu, jume' bem jiapsimpo juka' bebeje'erita betana ka tu'im jiapsekame, pa'akun yeu am bepriak, intok kaita am noktuak. Bwe'itukim aet ju'unean.

KRIJTOTA YEU PU'ARIM YA'ARI 19:14

Jume' intok, inika'a inile benak joame, woo busanika nau weweriakan. Senu jurio, Ejkeeba' teaka, ini'i jum juriom bwe'u te'opopo tekiakammeu yo'otakai, am u'usekan.

KRIJTOTA YEU PU'ARIM YA'ARI 19:16

Inien jiakai intok, ju'u o'ou, juka' ka tu'i jiapsita aet aneme, sep ameu kibakeka amemak nassua taiteka intok ini'i, tua ama butti utte'akai, juname'e si'imem yu'uk, intok tua ka am jiokoleka, ko'okosi am yaakai, junuen juname'e, junae karipo, ko'okosi aulamtakai intok batte ka tajo'oreka ama yeu tennek.

SANTIAAKO 2:19

Empo, wepu'ulaik jiba Liojtuka'po, tu'isi a' suale. Inien empo tu'isi aane. Taa inika'a ju'uneiyaane, jume' bebeje'erim ka tu'i jiapsim ket inien a' suale. Intok inime'e tu'isi majjae.