KRIJTOTA YEU PU'ARIM YA'ARI 12:8 - Yaqui

⁸ Junak intok ju'u ankeles: ―Tu'isi'ee tajo'oteka intok bochampo wokte'e ―ti au jiiak. Junako juka' Peota junuen auko, ju'u ankeles: ―Bepa em tajo'oreka'um et tekaka, nemak weye ―ti au jiiak.

KRIJTOTA YEU PU'ARIM YA'ARI 12:8 ပူးပေါင်းရင်းမြစ်များ

MATEEO 3:11

Inepo ala, nee ju'u ka tu'ikut enchim emo temae'uta a' teuwaakai, ba'apo ne enchim bato'owaa. Taa ju'u, net cha'aka, chukula yebijneeme, aapo, Liojta betana tu'u jiapsi emot jiapsituaka, wepulsi tu'ik jiba emot tawaaka, junuen a' chupa'ane. Juna'a, aapo che'a nee bepa yo'otaka nesawe. Junuen inepo, kia a' bochawam in a' weiyaarianee'u juni'i, ka neu lutu'uria.

MAEKOS 6:9

Intok bea'abochampo wokteka jiba am bo'o joosaen. Intok bem supenee'uta, ka nat wooi a'anaata am weeyaasaen.

LUUKAS 12:37

Tua alleenee jume' tetekokame, inime'e bem teko, ka kokochemmeu a' yebijnee'um. Tua lutu'uriapo ne inen ne emou jiia, jiba aapo ju'u bem teeko, mesau am joaka aet jiapseka, aapo am a'abojne.

KRIJTOTA YEU PU'ARIM YA'ARI 12:7

Seej chukti intok, achai Liojta betana senu ankeles ama yepsak. Intok junama'a yee e'etawa'po si'imekut taobiakai. Ini'i ankeles intok, juka' Peota sana'po aet mamteka a' busak. Intok iniau: ―Lauti yejte'e ―ti au jiiak. Junako jume' sisi'iwook wikiam, mampo ammea a' suma'im, ko'om wattek.

KRIJTOTA YEU PU'ARIM YA'ARI 12:9

Ju'u Peeo junuen junae ankelejtat cha'aka yeu siika. Junuen juka' ankelejta aamak ane'uta, a' lutu'uriatuka'ut oo ka a' lutu'uriatuka'ut tua ka ju'uneakai, ala, junae betana, aapo, Liojta betana jitaa au bittuawa'ati eakai.

KRIJTOTA YEU PU'ARIM YA'ARI 27:23

Bwe'ituk tukaapo senu ankeles neu au yeu machiak. Ini'i, ju'u Lios, ae betana weyeka intok aapo'ik betana tekilta in a' jooria'u, aapo'ik betana neu bittuaritakai.

KRIJTOTA YEU PU'ARIM YA'ARI 8:26

Iniat chukula, Liojta betana senu ankeles, Jeriipe' teamtau: ―Inim yeu sikaa, luula yejte'u bicha weene, ju'u bo'ot, inim Jerusalenpo naateka, jo'ara Kaasa' tea'u bicha bo'okamtatchi ―ti au jiiak. Ini'i juna'a ju'u bo'o, bweka pa'ariapo aman bo'okame.