KRIJTOTA YEU PU'ARIM YA'ARI 12:7 - Yaqui

⁷ Seej chukti intok, achai Liojta betana senu ankeles ama yepsak. Intok junama'a yee e'etawa'po si'imekut taobiakai. Ini'i ankeles intok, juka' Peota sana'po aet mamteka a' busak. Intok iniau: ―Lauti yejte'e ―ti au jiiak. Junako jume' sisi'iwook wikiam, mampo ammea a' suma'im, ko'om wattek.

KRIJTOTA YEU PU'ARIM YA'ARI 12:7 ပူးပေါင်းရင်းမြစ်များ

MATEEO 2:13

Chukula, jume' o'owim suawakame am saka'asuko, achai Liojta betana ankeles, tenkupo benasi Josee' teamtau au yeu machiak. Intok inen jiiak: ―Yejte'e, usita intok a' malawata weiyaaka, intok bwiaraa Ejipto' tea'u bicha yeu weene. Junaman intok empo tawane, in enchi tejwaa'po tajtia. Bwe'ituk ju'u Eroorej teame, juka' ili usita jariunee a' me'e betchi'bo.

LUUKAS 2:9

Junama lautipo, Liojta betana, ankeles ameu yeu machiak, intok Liojta betana ujyoika tachiria amet konila taobiakan. Intok inime'e tua majjaen.

LUUKAS 24:4

Inime'e bempo womtilamtukan, kaachin an machikai. Seej chukti intok wooi o'owim, tua tojsasaalaik tajo'oreka ameu ja'abwekame teak.

KRIJTOTA YEU PU'ARIM YA'ARI 10:30

Junako ju'u Korneelio: ―I'an naiki taewaim weye beja, jumak jiba inaeko, jiba inim in jo'apo nee Liojta yo'ori betchi'bo, ka ji'ibwan intok nee kupte'u bichaa aapo'iku bicha jiba in noka'uta nee weetuan. Junama'a junak, seej chukti senu o'ou, tua beojkok tajo'oreka, aapo neu au yeu machiak.

KRIJTOTA YEU PU'ARIM YA'ARI 12:23

Jiba junama'a lautipo, achai Liojta betana senu ankeles, a' ko'okoi wettuak, aapo'ik junuen au a' yo'ori teboka' betchi'bo, aapo Liojta yo'ori'eaka su. Intok chukula aapo, junae, bwichia bwa'ataka muukuk.

KRIJTOTA YEU PU'ARIM YA'ARI 12:6

Jiba junae tukaariatchi, aapo'ik yokoriapo juka' yo'o ya'ari Eroorej teamta junama'a jurio yoemratau yeu a' tojineeo, ju'u Peeo, junama'a wooi sontaaom a' suuame nasuk bichapo wooi sisi'iwook wikiammea suma'itaka kochen. Waate jume' sontaaom intok junama'a yee e'etawa'po pueetapo ama aneka a' suuan.

KRIJTOTA YEU PU'ARIM YA'ARI 12:8

Junak intok ju'u ankeles: ―Tu'isi'ee tajo'oteka intok bochampo wokte'e ―ti au jiiak. Junako juka' Peota junuen auko, ju'u ankeles: ―Bepa em tajo'oreka'um et tekaka, nemak weye ―ti au jiiak.

KRIJTOTA YEU PU'ARIM YA'ARI 16:26

junama'a seej chuktia ju'u bwia au yoyoak. Juna'a junuen tua utte'aka au yoyoakai, kia jum yee ama eta'ipo junaka'a kutti nawakamta, naas yoyoak. Intok junama'a lautipo si'ime jume' pueetam emo etapok. Intok junama'a si'ime jume' ama eta'im, jume' sisi'iwook wikiam, inime betana ko'om wattek.

KRIJTOTA YEU PU'ARIM YA'ARI 2:24

Taa ju'u Lios, aapo'ik mukiataka, juchi a' jiapsituak, kokkowamta betana ama a' yo'eetuakai. Bwe'ituk aapo kaachin mukiataka junuen tawa ean.

KRIJTOTA YEU PU'ARIM YA'ARI 5:19

Taa junama'a, Liojta betana ankeles, tukaapo jum bem eta'impo jume' pueetam am etaporiaka, intok junama'a yeu am tojak, intok:

KRIJTOTA YEU PU'ARIM YA'ARI 9:3

Taa junak aapo'ik bwe'u jo'ara Lamajko' tea'u jeela bo'ot ketun a' weyeo, seej chuktia teeka betana tachiria tua utte'aka aet ko'om taobiak.

EPEESIOM 5:14

Inia betchi'bo, Liojta ji'osia ji'ojteipo: Empo, ju'u lutu'uriata ka ta'aaka, intok chukula, Liojta mak em bitnee'ut ka ju'uneame, aet ju'uneaka emo temaine. Junuen empo Liojta bichapo, ka intok ka jiapsamta benasi em machine' betchi'bo, Krijtota sualeka a'u emo su'u tojine. Aapo ju'u Krijto intok, inia betana enchi aniaka enchi jinne'unee ti ji'ojtei.

EBREEOM 1:14

Si'ime juname'e ankelesim, ka bittaka, Liojta betana tekilpo aane. Inime'e, jume'e, bem jinne'uituneeme ania betchi'bo a'abo bittuarim.

APOKALIPSIS 18:1

Iniet chukula intok juchi senu ankelejta, tu'isi yo'o nesawekai, teeka betana ko'om weyemta ne bichak. Intok ju'u, inim bwiapo ayukame, junae tachiriae, machiku taawak.