Yudas 1:4 - Allah Wene Hurumbik Keron

⁴ Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Yudas 1:4 ပူးပေါင်းရင်းမြစ်များ

Matius 13:25

Yatil laruk apagma, o misihim hubanggo it obog nohoruk iseheg, ap misig at yapahon inim healeg werehon etno waharuk apareg, gandum wiyagfut hahon i yaho ambeg epmano hohol i dahon etno yahapfuruk apareg, fobik sohorep isalug herako lebag-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 15:24

Eke hit epmon ap misig misig iren uruson etno fam hinindi kahaltusa ulug ninesanggo holtukuk ari, niren yig isarukukmu urusa fug-o.

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

1 Timotius 5:8

Eke ap misig at omini inim, owe not inim inaso fanoroho wereg eleg halug, Allah wene demat ulug ebetukon etno seberoho imbisaruk wilil, it Allah wene inapelehon inapma neken wereg-o.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

2 Timotius 3:6

Eke it aphe ariroho surukon ari, aphe inibam kuruk atlug, it hweap yuhun-at werehon epmano inapmarep isuog ulug suruk-o.

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.

1 Petrus 4:18

Eke hit hag Alkitab fam wene holal embebahon du hiniluk-o, it fano surukon etno hag, inili werlek-at wahu-o. Eke it dag suruk wilil, Allah inuk inapalehon epmano hag inili wahu fug-o, ulug wene holal embebahon etno hiniluk wilil,

2 Petrus 2:10

Eke it aphe inenggal yig hisarukon ari inahlahiroho wilil, it malaikat boholmon etno inakol isaruk eleg-o.

2 Petrus 2:7

War inaptuk wilil oke, eke at Lot etno it dag surukmu ambit isaruk wilil obabut fano weregma, ili webag.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

1 Yohanes 2:22

Ari halug, ap sen enggal-at uruk ano? It, At Yesus Kristus ebe eleg-o, ulug ariroho urukon etnowen-at inenggal uruk-o. Eke At Allah etno, Amloho inim inawene inenggal neken uruk, ulug ariroho urukon halug, ininuk antikristus at-o.

Yudas 1:15

Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.

Wahyu 15:4

Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.