Yudas 1:3 - Allah Wene Hurumbik Keron

³ Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.

Yudas 1:3 ပူးပေါင်းရင်းမြစ်များ

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Kisah Para Rasul 18:28

Yig isaruk wilil, it Yahudi ap epmano selegma-at inenggali war inaptuk atisireg, At Yesus ari Kristus at-o ulug Alkitab fam inesanggo watisi.

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Kisah Para Rasul 9:13

Ananias etnowen yig ituk wilil, “Eleg-o, Nikni, ap du o Yerusalemen Hat hudaki epmano dahon inobam imbisarisi ulug it apheyen hurumbik yig nitusa-o.

Kisah Para Rasul 9:22

Uruk apareg weregma, at Saulus etno une oag weregsoho yig isaruk wilil, “At Yesus ari Kristus at-o,” ulug yig isaruk apagma, it Yahudi ap o Damsyik welapahon epmanowen, “Wene onggo keroho yig imuk-o?” ulug inapeleg atuken sohorep isebag.

1 Korintus 15:3

Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.

Galatia 2:5

Eke ariroho waharuson oke, eke wene fano wene demat yig hisarukmu hiren eberoko warikibon etno hinim welamag ulug niren it ap inenggal uruson epmano hiren fano ehep ulug mondog yig isarukuk fug-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Galatia 6:11

Eke an ninggiken holal du bal hisaruk wilil, ebe suon bal hisihi ari hinilanggen himiek-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Kolose 1:2

Eke hit Allah udakion epmano hinibam o Kolose wilil ninomini welahep halug, At Ninikni Allahen hinabua hisaruk wilil hinim welamag ulug yig hisehe-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

1 Timotius 6:12

Eke it aben buahen laruk etno hag, hat Allah wene demat urukon etno mutlug laruk wilil, hat hiluk welamon etno huliog ulug suruk amin-o. Eke hat hiluk welamon etno holawag ulug, bilin At Allahen wol hearisimu, hat aphe anggolo inil fam An Allah wene demat eberoko waruk ahi-o, ulug irikin-o.

2 Timotius 1:13

Eke wene demat ulug yanggul hitikikon etno ilitoho suruk ariog ulug seneg welaruhun-o. Ariroho At Yesus Kristus hinim wilil, wene du demat ulug eberoko weheg, eke At Yesus inim, it aphe inim hindi hunduhuk welaheg suruk aruhun-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

Ibrani 6:9

hit hag hinindi oag weregsoho welahep ari, nit niniluk-o, nomini. Eke hit hinebe hinili wawag ulug at ahien fanoroho hinobam umburuk ari niniluk-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 2:21

Eke ap etno bilin kwalem fanowon lelep fugmen fano-o. Kidia Yesus kwalem etno dorat iluk wilil, fobik sohorep isarisi etno fam, onggarehen o dagma imig saruk.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Yudas 1:17

Nomini-o, eke misig du yig hisamin-o. At Ninowe Yesus Kristus etnowen omini mondep isebahon epmanowen hurumbik ebahon etno hinindi ebetuk amiek-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.