Yudas 1:25 - Allah Wene Hurumbik Keron

²⁵ At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.

Yudas 1:25 ပူးပေါင်းရင်းမြစ်များ

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Lukas 1:47

At Allah nili warukon etno obam nahien haruk ahi-o.

Yohanes 4:22

Eke hit Samaria aphe epmano at du obam sembahyang uruk ahe ulug hinapeleg oke, nit Yahudi ap epmano hag ninili wawon etno unde neken welahe etno fam, at du obam sembahyang uruk ahe ulug niniluk-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Roma 11:33

Eke At Allahen ahla burukon ari mondog suon neken-at wereg-o. Eke At ebe indi oag werehon etnowen yi angge di angge alem obog-at iluk wereg-o. Eke Aren duroho suhuk ulug ahla burukon etno at sen alem heahaku-o? Eke alem ariroho suhuk ulug indi ebetukon etno sen aren baluhu-o?

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Roma 16:27

Eke At Allah akeleg-at yi angge di angge alem iluk werehon etno At Yesus Kristusen surukon epmano fam inuk nintul nantul suontepfuruk amuk ulug an demat yig hisaruk ahi-o.

Efesus 1:8

Eke At Allahen nit ninabua nisaruk wilil, Aren ahmu nisawon etno-at og nisarisi-o. Eke At Allahen bilin ariroho suhuk ulug ahla bebahon etno indimu iluk wilil ilitoho-at sebag-o.

Efesus 3:10

Eke At Allah yi angge di angge obog wal hebahon etno bilin wene du heraho welamag ulug dugsoho embebahon oke, eke kidia At awene warukon epmanowen it malaikat inim, eke it inowesi boholmon inim, At Allah yiroho diroho suruk ilukon etnowen ahla buruk atlug, duroho suruk-o, ulug iren iniluk amag ulug yig isaruk-o.

Efesus 3:21

Eke ari halug, it obog At Kristus Yesus inuk waruk wilil, At udaki neken werehon epmanowen At Allah inuk-at nintul nantul suontepfuruk amag ulug an demat yig hisihi-o.

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 2:3

Ariroho uruk wilil, ninebe fano mondog weregma, At Allah ninili warukon etnowen ari fano at-o, ulug ahien nisarukmu,

Titus 2:10

Eke it ap inanggimbu ari herako ombateheg suk fug ulug yig isimin-o. Eke At Allah ninili warukon awene etno kiro­ho wawag ulug, it ap inanggimbu ari yi angge di angge motoho surukon etno fam iniknisi iniluk amag ulug yig isaruk amin-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Titus 3:4

Ariroho suruk atu­kukon oke, eke fobik At Allah ninili warukon etnowen indi hun­duhuk wilil ninabua nisaruk atisireg, ninili warisi-o.

Ibrani 13:8

Eke At Yesus Kristus etno bilin welapareg oke, kidia wereg at-o, eke fobik itog mondog-at welaruhu-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

Wahyu 1:6

Ariroho ninombisaharuk apareg, nit ninebe At Ikni Allah anggimbu wilil, eyabuk suruk amag ulug minduhup nisahabag-o. Ariroho minduhup nisahabareg fam niren nintul nantul At Yesus Kristus oag werehon etno inuk-at suontepfuruk amuhuk-o. Amin.